लुम्बिनीमा जसपाका दुई सांसदले फेरि पाए मन्त्री पदको उपहार Nepalpatra लुम्बिनीमा जसपाका दुई सांसदले फेरि पाए मन्त्री पदको उपहार
३० बैशाख २०७८, बिहिबार

लुम्बिनीमा जसपाका दुई सांसदले फेरि पाए मन्त्री पदको उपहार


अविश्वास प्रस्तावमा हस्ताक्षर गर्ने जसपाका सांसदलाई मुख्यमन्त्री पोखरेलले बनाए मन्त्री फाइल फोटो

बुटवल । लुम्बिनी प्रदेशको जनता समाजवादी पार्टी (जसपा) का पदमुक्त भएका २ जना सांसदहरू सुमन शर्मा रायमाझी र कल्पना पाण्डे पुनः मन्त्री भएका छन् ।

५ दिनअघि मात्र लुम्बिनी प्रदेशसभाले सूचना प्रकाशित गरी सन्तोष पाण्डेय, विजयकुमार यादव, सुमन शर्मा रायमाझी र कल्पना पाण्डे गरी ४ जना पदमुक्त गरेको जनाएको थियो ।

लुम्बिनी प्रदेश सरकारमा दुई मन्त्रीको पुनर्नियुक्ति भएको हो । हिजो आइतबार मात्र पुनःनियुक्ति भएका मुख्यमन्त्री शंकर पोखरेलले शिक्षा तथा सामाजिक विकास मन्त्रीमा कल्पना पाण्डे र भौतिक पूर्वाधार विकास राज्यमन्त्रीमा सुमन शर्मालाई पुन: मन्त्री बनाएका हुन् ।

हिजो मात्र लुम्बिनी प्रदेशको जसपाका पदमुक्त भएका २ जना सांसदहरू सन्ताेष पाण्डे र बिजय कुमार यादव पुनः मन्त्री भएका थिए । मुख्यमन्त्री शंकर पाेखरेलकाे सिफारिसमा प्रदेश प्रमुख धर्मनाथ प्रसाद यादवले रुपन्देहीका पाण्डेलाई यसअघि नै सम्हाल्दै आएकाे भाैतिक पुर्वाधार बिकास मन्त्रालय र बांकेका विजयकुमार यादवलाई कृषि मन्त्रालयकाे जिम्मेवारी दिएर सपथ गराएका थिए ।

लुम्विनी प्रदेशका मुख्यमन्त्री शंकर पोखरेलले जसपावाट पदमुक्त भएका यी ४ जना प्रदेशसभा सदस्यलाई समेटेर मन्त्रिपरिषद् पुनर्गठन गरेका थिए । उनले आफूविरुद्ध दर्ता भएको अविश्वासको प्रस्तावमा हस्ताक्षर गरेका ३ जना र नगरेका १ जना गरी जसपाका ४ जना प्रदेशसभा सदस्यलाई फेरी मन्त्री बनाएका हुन् ।

यसरी पार्टीको निर्देशन विपरीत मन्त्री बनेपछि ६ बैशाख गते सोमबार जसपाका लुम्बिनी प्रदेश अध्यक्ष अशोककुमार यादवले विज्ञप्ति जारी गरी मन्त्री पदको सपथ लिएका यी ४ जना सांसदसँग स्पष्टीकरण सोधेका थिए ।

मन्त्री पदवाट राजीनामा दिई चित्तबुझ्दो स्पष्टीकरण नदिएकोले जसपाले प्रदेशसभा सचिवालयमा निलम्बनको लागि सिफारिस गरेपछि लुम्बिनी प्रदेशसभाले कानुनी प्रक्रिया अवलम्बन गर्दै उनीहरुलाई पदमुक्त भएको सूचना जारी गरेको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !