४२ सांसदको हस्ताक्षरसहित लुम्बिनीको मुख्यमन्त्रीमा माओवादीका केसीको दाबी Nepalpatra ४२ सांसदको हस्ताक्षरसहित लुम्बिनीको मुख्यमन्त्रीमा माओवादीका केसीको दाबी
३१ जेष्ठ २०७८, सोमबार

४२ सांसदको हस्ताक्षरसहित लुम्बिनीको मुख्यमन्त्रीमा माओवादीका कुलप्रसाद केसीको दाबी


कुलप्रसाद केसी

काठमाडौं । नेकपा माओवादी केन्द्र संसदीय दलका नेता कुलप्रसाद केसीले आफ्नो नेतृत्वमा नयाँ सरकार गठनका लागि प्रदेश प्रमुखसामू दाबी पेश गरेका छन् । ४२ सांसदको हस्ताक्षरसहित केसीले आफ्नो नेतृत्वमा नयाँ सरकार गठनका लागि दावी पेश गरेका हुन् ।

लुम्बिनी प्रदेशमा शंकर पोखरेल पुन: मुख्यमन्त्री नियुक्त भएपछि नेकपा एमालेका ३ जना सांसदले एमाले छोडेका छन् । उनीहरूले आफूहरु पार्टीप्रति तीब्र असन्तुष्टि जनाउँदै आज पार्टी परित्याग गरेका हुन् ।

कपिलवस्तु क्षेत्र नम्बर १ (क) बाट निर्वाचित दुगनारायण पाण्डेय, कपिलवस्तु क्षेत्र नम्बर २ (ख) बाट निर्वाचित धर्मबहादुरलाल श्रीवास्तव र नवलपरासी पश्चिमका अजय शाहीले पार्टी परित्याग गरेका हुन् ।

एमालेकै सांसद दुर्गानारायण पाण्डेले प्रदेश सभा सदस्यबाट राजिनामा दिए पनि आफूहरुले राजिनामा नदिएको उनीहरुले बताएका छन् । श्रीवास्तव र शाहीले सूर्य चुनाव चिन्हबाट चुनाव लडेपनि आफूहरु एमाले नभएको भन्दै स्वतन्त्र राजनीतिक हैसियतले धर्मबहादुर लाल श्रीवास्तव र अजय शाहीले नेकपा माओवादी केन्द्रका संसदीय दलका नेता कुलप्रसाद केसीको नेतृत्वमा नयाँ सरकार गठनका लागि हस्ताक्षर गरेका छन् ।

आफूहरूले राजीनामा पत्र प्रदेश सभा सचिवालयमा पठाइसकेका छन् । यस्तै आज बिहान मात्रै एमालेकी सांसद विमला वली पार्टी परित्याग गरी माओवादी केन्द्र प्रवेश गरिसकेकी छन् ।

हेर्नुहोस् यस्तो छ पत्र
४२ सांसदको हस्ताक्षरसहित माओवादीका केसीको दाबी४२ सांसदको हस्ताक्षरसहित माओवादीका केसीको दाबी४२ सांसदको हस्ताक्षरसहित माओवादीका केसीको दाबी


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !