संविधानसभा सदस्य एवं कांग्रेस नेता शिवबहादुर खड्काको निधन Nepalpatra संविधानसभा सदस्य एवं कांग्रेस नेता शिवबहादुर खड्काको निधन
३० बैशाख २०७८, बिहिबार

संविधानसभा सदस्य एवं कांग्रेस नेता शिवबहादुर खड्काको निधन


शिवबहादुर खड्काको निधन

रामेछाप । संविधानसभा सदस्य एवं नेपाली कांग्रेसका पूर्व केन्द्रीय सदस्य शिवबहादुर खड्काको आज आइतबार निधन भएको छ । घरको बाथरुममा लडेर घाइते भएका खड्काको भक्तपुरको नागरिक अस्पतालमा उपचारका क्रममा निधन भएको हो ।

पश्चिम रामेछापको बेथानमा जन्मिएका ७८ वर्षीय खड्का नेपाल विद्यार्थी संघका संस्थापक सदस्य हुन् । पञ्चायतविरुद्ध कांग्रेसले सञ्चालन गरेको आन्दोलनमा उनी लामो समय सक्रिय थिए । २०४९ सालमा तत्कालीन जिल्ला विकास समितिका सभापतिमा निर्वाचित भएका थिए ।

कांग्रेस सभापति शेरबहादुर देउवाले खड्कालाई तत्कालीन नेपाली कांग्रेस प्रजातान्त्रिकको केन्द्रीय सदस्यमा मनोनयन गरेका थिए । बौद्धिक क्षेत्रबाट राष्ट्रपतिले मनोनित गर्ने कोटाबाट खड्कालाई संविधानसभाको सदस्य बनाइएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !