अन्तत: शंकर पोखरेल पुन: लुम्बिनीको मुख्यमन्त्रीमा नियुक्त Nepalpatra अन्तत: शंकर पोखरेल पुन: लुम्बिनीको मुख्यमन्त्रीमा नियुक्त
३० बैशाख २०७८, बिहिबार

अन्तत: शंकर पोखरेल पुन: लुम्बिनीको मुख्यमन्त्रीमा नियुक्त


शंकर पोखरेल

बुटवल । अन्तत: बिभिन्न उतारचढावका बाबजुद लुम्बिनी प्रदेशको मुख्यमन्त्रीमा शंकर पोखरेल पुन: नियुक्त भएका छन् । आज बिहान मात्रै मुख्यमन्त्री पदबाट राजीनामा दिएका पोखरेल संविधानको धारा १६८ (१) बमोजिम पुन: मुख्यमन्त्री बनेका हुन् । उनलाई प्रदेश प्रमुख धर्मनाथ यादवले मुख्यमन्त्री नियुक्त गरेका हुन् ।

यस अघि आफूविरुद्ध अविश्वासको प्रस्ताव पेश हुने भएपछि पोखरेलले पदबाट राजीनामा दिएका थिए । यसअघि पोखरेल नेतृत्वको सरकार संविधानको धारा १६८ (२) बमोजिम बनेको थियो ।

धारा १६८(१) मा अन्तत:संसदमा बहुमत प्राप्त दलको नेतालाई प्रदेश प्रमुखले मुख्यमन्त्री नियुक्त गर्न सक्ने व्यवस्था छ । सोही व्यवस्थालाई आधार मानेर पोखरेलले आज बिहान राजीनामा दिएका थिए ।

राजीनामा दिएलगतै उनले बहुमत सदस्यको हस्ताक्षरसहित दाबी पेश गरेको प्रदेश प्रमुखको कार्यालयले जनाएको छ । यद्यपि लुम्बिनी प्रदेश एमालेकी सांसद बिमला वली माओवादी केन्द्रमा प्रवेश गरेसँगै पोखरेलसँग बहुमत नभएको भन्दै नेपाली कांग्रेस, नेकपा माओवादी केन्द्र लगायतका दलले मुख्यमन्त्री नियुक्त नगर्न माग गरेका थिए ।

अन्तत: शंकर पोखरेल पुन: लुम्बिनीको मुख्यमन्त्रीमा नियुक्त


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !