प्रधानमन्त्री ओलीले भने, 'भगिरथले गंगा ल्याए, हामीले मेलम्ची ल्यायौ' Nepalpatra प्रधानमन्त्री ओलीले भने, 'भगिरथले गंगा ल्याए, हामीले मेलम्ची ल्यायौ'

१८ श्रावण २०७८, सोमबार

प्रधानमन्त्री ओलीले भने, ‘भगिरथले गंगा ल्याए, हामीले मेलम्ची ल्यायौ’


केपी शर्मा ओली

काठमाडौं । प्रधानमन्त्री केपी शर्मा ओलीले जसरी भगिरथले गंगा ल्याएका थिए त्यसरी नै हामीले काठमाडौँमा मेलम्ची खानेपानी ल्याएको बताएका छन् । प्रधानमन्त्रीको सरकारी निवास बालुवाटारबाट आज प्रधानमन्त्री ओलीले डिजिटल रुपमा स्वीच थिचेर १६५ वटै संघीय निर्वाचन क्षेत्रमा १/१ वटा सडकका दरले १६५ वटा सडकको एकैपटक शुभारम्भ गर्दै उनले सो कुरा बताएका हुन् ।

केहि मान्छे र मिडियाले सरकारले गरेको काम केहि पनि नदेख्ने गरेको आरोप लगाउदै हिजो काठमाडौंको भृकुटीमण्डपमा नवनिर्मित ३ वटा सार्वजनिक ढुंगेधाराको टुटी खोलेर राष्ट्रपति विद्यादेवी भण्डारीले मेलम्चीको खानेपानीको औपचारिक उद्घाटन गरेको समाचार मूलधारको मेडिया भन्ने कथित दैनिकमा प्रकाशित नभएको भनेर उनले गुनासो गरेका हुन् ।

देशको विकास सवै नेपाली जनताको साझा आकांक्षा भएकोले यो कसैले रोक्न नसक्ने ओलीले बताए । उनले यी सडक ३ वर्षभित्र निर्माण सम्पन्न हुने लक्ष्य राखेर सडकको कुल लागत ५७ अर्ब १० करोड रुपैयाँ बजेट बिनियोजन गरिएको समेत बताए ।

मेलम्ची खानेपानीको काठमाडौंको भृकुटीमण्डपमा नवनिर्मित ३ वटा सार्वजनिक ढुंगेधाराको टुटी खोलेर राष्ट्रपति विद्यादेवी भण्डारीले मेलम्चीको खानेपानीको औपचारिक उद्घाटन गरेकी हुन् । झण्डै ३ दशकको प्रयासमा सफल हुँदा राष्ट्रपति भण्डारीले कृष्णप्रसाद भट्ट्टराईलाई सम्झिइएकी थिइन् ।

तर राष्ट्रपति भण्डारीअघि बोलेका प्रधानमन्त्री केपी शर्मा ओलीले भने आयोजनाका विषयलाई लिएर कृष्णप्रसाद भट्टराईलाई नसम्झिएपछि प्रधानमन्त्री ओलीको मेडिया र सामाजिक संजालमा चर्को आलोचन भएको थियो । ३ दशक पुरानो आयोजनालाई पूरा गर्न आफूहरुले तीव्र प्रयास गरेको प्रधानमन्त्री ओलीले बताएका थिए ।

राष्ट्रिय प्रजातन्त्र पार्टी (राप्रपा) का अध्यक्ष कमल थापाले हिजो मेलम्चीबाट पानी ल्याई काठमाडौँका जनताको घर-घरमा पुर्‍याउने आयोजनाको परिकल्पना राजा विरेन्द्रको भएको तर पछि कृष्ण प्रसाद भट्टराईले मुखरित गरेको इतिहासको दृष्टान्त प्रस्तुत गरेपछि ओलीको यस्तो धारणा आएको हो ।

हिजो दिउसो सामाजिक संजाल ट्वीटरमा लेख्दै उनले यस प्रसंगमा राजा बीरेन्द्रको नाम उल्लेख गर्दा हिनताबोध गर्नु जरुरी नभएको भन्दै कसैले चाहेर पनि नेपाली इतिहासबाट राजाको नाम र योगदान मेटाउन नसक्ने बताएका थिए ।

यो पनि पढ्नुहोस्

प्रधानमन्त्री ओलीले बालुवाटारबाट एकसाथ गरे १६५ वटा सडकको शुुभारम्भ


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा