फाइल फोटो
काठमाडौँ । सत्तारुढ दल नेकपा एमालेबाट निलम्वन गरिएका नेता सुरेन्द्र पाण्डेले आफूलाई पार्टी अध्यक्ष केपी शर्मा ओलीले निलम्बन गरेपछि ओलीलाई चुनौति दिदै थुप्रै आरोप समेत लगाएका छन् । ओलीले कारबाही गरेपछि उनले पार्टी अध्यक्ष केपी शर्मा ओली लामो कालदेखि गुटपरस्त मानिस भएको आरोप लगाएका छन् ।
सामाजिक संजाल फेसबुकमा आज राती लेख्दै उनले आफूलाई निलम्बन गर्ने ओलीको कदम पूर्व नियोजित र अपेक्षित नै भएको बताएका छन् । गुटबन्दी गर्दैगर्दै गएर नवौँ महाधिवेशनमा पार्टी कब्जा गरेर गुटद्वारा कब्जा गर्दै पार्टीका मानिस निकाल्ने, गुटद्वारा शासन गर्ने सिलसिलाकै जारी रूप भएको उल्लेख गरेका छन् ।
यस्तै उनले यसले आन्दोलनलाई नोक्सानी गर्ने भन्दै एमाले र मुलुकको कम्युनिस्ट आन्दोलन नै समाप्त गर्ने दिशातिर ओली लागेको आरोप समेत लगाएका छन् । त्यस्तै आफूहरु कम्युनिस्ट आन्दोलनको झण्डालाई झुक्न नदिने भन्दै यसलाई अघि बढाउने कुरामा कुनै कसर बाँकी नराख्ने उल्लेख गरेका छन् ।
साथै पाण्डेले घोषणा पत्र मार्फत गरिएको बाचाहरू, समृद्ध नेपाल निर्माण गर्ने अभिभाराहरू हामी पुरा गर्न थप सशक्त, अझ जुझारू र गम्भीर भएर अघि बढ्ने प्रतिबद्धता समेत व्यक्त गरेका छन् ।
यो पनि पढ्नुहोस्
ओलीले कारबाही गरेपछि घनश्याम भुसालले लेखे यस्तो भावुक स्टाट्स
यस्ता छन् ओलीद्वारा भुसाल र पाण्डेलाई निलम्बन गरिएका छुट्टाछुटै पत्रहरु
अन्तत: ओलीले गरे भुसाल र पाण्डेमाथि कारबाही : पार्टीबाट ६ महिना निलम्बन
