गगन थापा भन्छन्, 'रेल र पानी जहाज चलाउने जनशक्ति स्वदेशमा नै उत्पादन हुनुपर्छ' Nepalpatra गगन थापा भन्छन्, 'रेल र पानी जहाज चलाउने जनशक्ति स्वदेशमा नै उत्पादन हुनुपर्छ'
११ आश्विन २०७९, मंगलबार

गगन थापा भन्छन्, ‘रेल र पानी जहाज चलाउने जनशक्ति स्वदेशमा नै उत्पादन हुनुपर्छ’

कांग्रेसको एजेण्डा दक्ष जनशक्ति उत्पादन : नेता थापा


गगन थापा

बलेवा । नेपाली कांग्रेसका युवा नेता गगन थापाले कांग्रेसले देश विकासको लागि दक्ष जनशक्ति उत्पादनको एजेण्डा अघि सार्ने बताएका छन् ।

देशमा हुने हरेक विकास निर्माणमा स्वदेशी जनशक्तिको अभावका कारण विदेशमा भर पर्नुपर्ने अवस्था रहेको भन्दै उनले रेल चलाउने र पानी जहाज चलाउने सम्मको जनशक्ति स्वदेशमानै उत्पादन हुनुपर्नेमा जोड दिए ।

आज बागलुङ बजारमा नेपाल शिक्षक सङ्घ बागलुङको जिल्ला प्रतिनिधिसभा उद्घाटन गर्दै थापाले नेपालीले आफ्नो भनेर अपनत्व बोध नगर्ने बेलासम्म जस्तो सुकै विकास भए पनि समृद्धि प्राप्त नहुने बताए ।

उनले सर्वोच्चको फैसलापछि नेकपाका दुई पार्टीमा फर्किएका नेताहरुले जनताको माझमा माफी माग्न जानुपर्ने बताए । “हिजो जनताले हामी एक भयौँ, समृद्धि ल्याउँछौँ भनेर मत दिएका हुन्” थापाले भने, “आफ्ना कारणले दुईतिर भएपछि जनताको मतको कदर नेकपाका नेताहरुले गर्नुपर्छ, जनताको बीचमा जानुपर्छ ।”


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !