माधव नेपाल भन्छन्, 'केपी ओलीसँग अब साइबर सेना मात्रै छ' Nepalpatra माधव नेपाल भन्छन्, 'केपी ओलीसँग अब साइबर सेना मात्रै छ'
२३ मंसिर २०७८, बिहिबार

माधव नेपाल भन्छन्, ‘केपी ओलीसँग अब साइबर सेना मात्रै छ’


माधव नेपाल फाइल फोटो

काठमाडौँ । राजनीतिक रुपमा विभाजन भएको नेपाल कम्युनिष्ट पार्टी (नेकपा) प्रचण्ड-नेपाल समूहका अध्यक्ष माधव नेपालले केपी शर्मा ओलीको पक्षमा अब साइबर सेना मात्रै बाँकी रहेको बताएका छन् ।

आज सोमबार एकिकृत अखिल नेपाल शिक्षक संगठनको राष्ट्रिय परिषद्को पहिलो बैठकलाई राजधानीमा सम्बोधन गर्दै उनले ओलीसँग ‘बा’ भन्न रुचाउने मानिसहरु मात्रै बाँकी रहेको टिप्पणी गरेका छन् ।

‘केपी बा’ भनेर ओलीको पछि लाग्ने र सामाजिक संजालमा ओलीको पक्षमा आफ्नो धारणा राख्ने साइबर सेना मात्र ओलीको समर्थक भएको धारणा राखेका हुन् । उनले ओलीको समूहमा ‘बा’ भन्ने मात्रै भएकोले क्रान्तिकारी, सहयोद्धा नभई आफ्नो समूहमा असल मानिस भएको बताए ।

उनले ओलीसँग नाटक गर्न सिपालु मान्छे मात्रै रहेको आरोप लगाउदै नेपालले ओलीसँग जोडिएका मान्छे नौटंकी गर्न मात्रै सिपालु भएकोले उनीहरूले राजनीतिक कुरा गर्नु गफ मात्रै भएको आरोप लगाए ।

सूर्य चिन्ह आफूहरुले मात्रै पाउने दाबी गर्दै उनले ओली ‘बा’ भन्ने पार्टी खोल्दिए त्यो मन पराउने सबै उतै जाने भएकोले उनीहरुको लागि सबैभन्दा राम्रो हुने टिप्पणी गरे । अध्यक्ष नेपालले अहिले लडाइँ केपी ओली र आफूहरुबीचको निजी लडाइँ नभएको बताए । अहिलेको लडाइँ केपी ओलीविरुद्ध नभई केपी ओली प्रवृत्ति विरुद्धको भएको बताए ।

नेपालले ओली नेकपाबाट चोइटिएर गएको भन्दै उनीसँग साइबर सेना मात्रै रहेको दाबी गरे । उनले ओलीसँग असल मानिसहरु नरहेको टिप्पणी गरेका छन् । उनले नेकपा मन परेको नभए समाजवादी, जनवादी, ओलीवादी समूह खोले पनि हुने बताएका हुन् ।

अध्यक्ष नेपालले ओली र नेपाल कम्युनिस्ट पार्टीबीच अब कुनै सम्बन्ध नभएको दाबी गरे । केपी ओलीलाई पार्टीको साधारण सदस्यबाट पनि निकाली सकेका छौं । अब उनको नेकपासँग कुनै सम्बन्ध छैन । तैपनि उनलाई नेकपा मन परेको छ भने नेकपा ओली गुट भनेर खोले हुन्छ ।

उनले विगतमा भएका कमी कमजोरी सच्चाउने प्रतिबद्धता सहित स्वेत पत्र जारी गर्ने बताएका छन् । उनले विगतमा भएका कमीकमजोरीसहित श्‍वेतपत्र जारी गर्ने बताएका हुन् ।

संविधान, कानुन बमोजिम सर्वोच्च र निर्वाचन आयोगबाट फैसला हुने विश्वासमा आफूहरु रहेको उनको भनाइ छ । साथै उनले ओलीले चुनाव पनि नगराउने र देशलाई द्वन्द्वमा धकेल्न खोजेको आरोप लगाए । एक जना केपी शर्मा ओलीले गर्दा देश आजित भइसकेको उनको धारणा थियो ।

यो पनि पढ्नुहोस्

प्रचण्ड भन्छन्, ‘केपी ओली शिक्षक र बुद्धिजीवीसँग तर्सन्छन्’

माधव नेपाल भन्छन्, ‘केपी ओलीको पक्षमा बा भन्ने मात्रै बाँकी छन्’

ओली जस्तो शिक्षकहरु अन्धभक्त हुँदैनन्, इतिहासले फटाहा नेता भनेर चिनिने छ : प्रचण्ड


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !