माधव नेपाल भन्छन्, 'केपी ओलीको पक्षमा बा भन्ने मात्रै बाँकी छन्' Nepalpatra माधव नेपाल भन्छन्, 'केपी ओलीको पक्षमा बा भन्ने मात्रै बाँकी छन्'
११ मंसिर २०७८, शनिबार

माधव नेपाल भन्छन्, ‘केपी ओलीको पक्षमा बा भन्ने मात्रै बाँकी छन्’


माधव नेपाल फाइल फोटो

काठमाडौं । राजनीतिक रुपमा विभाजन भएको नेपाल कम्युनिष्ट पार्टी (नेकपा) प्रचण्ड-नेपाल समूहका अध्यक्ष माधव नेपालले केपी शर्मा ओलीको पक्षमा ‘बा’ भन्न रुचाउने मानिसहरु मात्रै बाँकी रहेको बताएका छन् । आज सोमबार एकिकृत अखिल नेपाल शिक्षक संगठनको राष्ट्रिय परिषद्को पहिलो बैठकलाई राजधानीमा सम्बोधन गर्दै उनले ओलीसँग असल मानिसहरु नरहेको टिप्पणी गरेका छन् ।

उनले ओलीको समूहमा ‘बा’ भन्ने मात्रै भएकोले क्रान्तिकारी, सहयोद्धा नभई आफ्नो समूहमा असल मानिस भएको बताए । उनले ओलीसँग नाटक गर्न सिपालु मान्छे मात्रै रहेको आरोप लगाउदै नेपालले ओलीसँग जोडिएका मान्छे नौटंकी गर्न मात्रै सिपालु भएकोले उनीहरूले राजनीतिक कुरा गर्नु गफ मात्रै भएको आरोप लगाए ।

सूर्य चिन्ह आफूहरुले मात्रै पाउने दाबी गर्दै उनले ओली ‘बा’ भन्ने पार्टी खोल्दिए त्यो मन पराउने सबै उतै जाने भएकोले उनीहरुको लागि सबैभन्दा राम्रो हुने टिप्पणी गरे । अहिलेको लडाइँ केपी ओलीविरुद्ध नभई केपी ओली प्रवृत्ति विरुद्धको भएको बताए ।

यसरी नेकपाको दुवै समूहका नेताहरु एक समूहका नेताहरुले अर्को समूहका नेताहरुलाई आरोप-प्रत्यारोप गर्न तल्लीन देखिन्छन् । नेकपाको दुवै समूहका नेताहरुमा राजनीतिक संस्कार र नैतिकता केहि देखिदैन । यसरी नेपालले ओली समूहप्रति चोटिलो टिप्पणी गरेका हुन् ।

सत्ता र शक्तिको लागि नेकपाको आन्तरिक विवाद र व्यक्तिगत शक्ति संघर्षले लामो समयदेखि नेपाली जनताले संघर्ष गरेर ल्याएको लोकतन्त्र धरापमा परेको छ भने कम्युनिष्टहरुको अस्तित्व संकटमा पर्ने देखिन्छ भने कम्जोर प्रतिपक्ष दल नेपाली काँग्रेसलाई केहि फाइदा हुने देखिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !