प्रधानमन्त्री ओलीकै अगाडि भारतीय पत्रकार चौधरीले लगाएको ‘उपरखुट्टी’ को सर्वत्र आलोचना Nepalpatra प्रधानमन्त्री ओलीकै अगाडि भारतीय पत्रकार चौधरीले लगाएको ‘उपरखुट्टी’ को सर्वत्र आलोचना
१० असार २०७८, बिहिबार

प्रधानमन्त्री ओलीकै अगाडि भारतीय पत्रकार चौधरीले लगाएको ‘उपरखुट्टी’ को सर्वत्र आलोचना

नेपालका प्रधानमन्त्री ओलीकै अघि भारतीय पत्रकार चौधरीले लगाए ‘उपरखुट्टी’


‘जी न्यूज’ का प्रधान-सम्पादक सुधीर चौधरी प्रधानमन्त्री केपी ओलीसँग

काठमाडौं । नेपालका प्रधानमन्त्री केपी शर्मा ओलीकै अगाडि भारतीय टेलिभिजन च्यानल ‘जी न्यूज’ का प्रधान-सम्पादक सुधीर चौधरीसँग अन्तर्वार्ता लिएपछि तस्वीर खिचाउदा लगाएको ‘उपरखुट्टी’ को सामाजिक संजालमा सर्वत्र आलोचना शुरु भएको छ । चौधरीले प्रधानमन्त्री केपी शर्मा ओलीको अन्तर्वार्ता लिन शनिबार ३ जनाको टोलीसहित काठमाडौं आई आइतबार प्रधानमन्त्री निवास बालुवाटार पुगेर प्रधानमन्त्री ओलीको अन्तर्वार्ता लिएका थिए ।

यो पनि पढ्नुहोस् : भारतीय टेलिभिजनमा प्रधानमन्त्री भने, ‘हाम्रो भूमि र आकाश कसैलाई दिइन्न’

छिमेकी मित्रराष्ट्र देश नेपालमा के चलिरहेको छ भनेर थाहा पाउनु महत्त्वपूर्ण भएकोले नेपालका प्रधानमन्त्री ओलीसँग राम्रो कुराकानी गर्न नेपाल आएको उनले आफ्नो फेसबुक पेजमा लेखेका छन् । साथै अब नेपालले भारतलाई किन ठूल्दाजुका रुपमा व्यवहार गर्न चाहँदैन भन्ने बारेमा पनि बुझ्नु जिज्ञाषाको विषय भएकोले उनी नेपालका प्रधानमन्त्री ओलीसँग अन्तर्वार्ता लिन आएको पनि उनले बताएका छन् ।

नेपालका प्रधानमन्त्री ओलीको अगाडि भारतीय पत्रकार चौधरीले लगाएको ‘उपरखुट्टी’ अमर्यादित हर्कतको पराकाष्टा देखिन्छ । पत्रकार चौधरीले सार्वजनिक गरेको उक्त तस्वीरमा प्रधानमन्त्री ओलीसंग उनले ‘उपरखुट्टी’ लगाएका छन् ।

मर्यादा र साधारण अर्थले पनि प्रधानमन्त्री जस्तो सम्माननीय पदमा आसिन व्यक्तित्वको अगाडि ‘उपरखुट्टी’ लगाउने चलन छैन । उक्त तस्वीरमा प्रधानमन्त्री ओली स्वयं ‘उपरखुट्टी’ नलगाई सामान्य हिसावमा बसेको देखिएको छ ।

यो पनि पढ्नुहोस् : नेपाल र भारतको सीमा विवाद वार्ताबाट समाधान हुन्छ : प्रधानमन्त्री ओली

नेपालले लिपुलेक, कालापानी र लिम्पियाधुरालाई समेटेर नयाँ नक्सा सार्वजनिक गरेपछि भारतीय टेलिभिजन च्यानल जी न्युजले विवादित सामग्री प्रकाशित गरेर ‘राष्ट्रवाद के नामपर नेपालकी चाइनिज नक्सेबाजी’ भनेर प्रसारण गरेको कार्यक्रम सुधीरले नै चलाएका थिए ।

जी न्यूजबाट प्रधानमन्त्री ओलीलाई जोडेर आपत्तिजनक समाचारहरू पटक-पटक प्रसारण भएका छन् । यतिसम्म कि चिनिया राजदूत होउ यान्छीसंग प्रधानमन्त्री ओलीले चक्कर चलाएको भन्दै भ्रामक सामाग्री समेत उनकै च्यानलले प्रसारण गरेको थियो ।

यो पनि पढ्नुहोस् : चुनाबपछि आफ्नै पार्टीको सरकार बन्छ : प्रधानमन्त्री ओली

पछि च्यानलले माफी माग्दै सामग्री हटाएको भन्दै भिडियो बाहिरिएको थियो भने जी न्युजको आधिकारिक च्यानलमा भने उक्त भिडियो भने भेटिएको थिएन । चौधरीले पनि नेपालबारे विवादित ट्वीट पनि गरेका थिए ।

प्रधानमन्त्री केपी शर्मा ओली, नेपालका लागि चिनियाँ राजदूत होउ यान्छीको मानहानी र दुष्प्रचार गरेको भन्दै नेपालका केही मल्टी सिस्टम अपरेटरहरुले भारतीय समाचार च्यानलको प्रसारण बन्द गरेपछि चौधरीले विवादित ट्वीट गरेका थिए ।

यो पनि पढ्नुहोस्

ओलीले भारतीय प्रधानमन्त्री मोदीसँग आफूलाई यसरी गरे तुलना

चीन र भारतबीच मध्यस्थता गर्न तयार छु : प्रधानमन्त्री ओली


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !