, ओलीको सत्ता संकट आउँदा साथ दिएका यी मन्त्रीले मात्र निरन्तरता पाउने, अन्य सबै मन्त्रीलाई विदाई गर्दै ओली

ओलीको सत्ता संकट आउँदा साथ दिएका यी मन्त्रीले मात्र निरन्तरता पाउने

काठमाडौं, ३० भाद्र । प्रधानमन्त्री केपी शर्मा ओलीले मन्त्रीमण्डल पुर्नगठन गर्दा आफूलाई संकटमा पर्दा साथ दिनेलाई अवसर दिने मापदण्ड बनाएको बुझिएको छ । अब सरकारमा ओलीलाई संकट पर्दा साथ दिने मन्त्रीहरु मात्र रहने भएका छन् । रक्षामन्त्री ईश्वर पोखरेल, गृहमन्त्री रामबहादुर बादल र परराष्ट्रमन्त्री प्रदीप ज्ञवालीले ओलीलाई संकट पर्दा साथ दिएका थिए । त्यसैले गर्दा पनि उनीहरु सरकारमै रहनेछन् ।

ओलीको सत्ता संकट आउँदा निकै साथ दिएका बामदेव गौतमलाई उपप्रधानमन्त्री बताउने तयारी भएको छ । तर गौतम ओली र प्रचण्ड समूहमा आउने जाने पात्र हुन् । ओलीको सत्ता संकट आउँदा निकै साथ दिने मन्त्रीहरु लेखराज भट्ट, योगेश भट्टराई र घनश्याम भुषाल पनि सरकारमै रहने बुझिएको छ । भानुभक्त ढकाल र शिवमाया तुम्वाहाम्फे पनि सरकारमै रहने बुझिएको छ ।

नारायणकाजी श्रेष्ठलाई पनि उपप्रधानमन्त्रीसहित परराष्ट्र मन्त्रालयमा लाने तयारी भएको छ । शक्ति बस्नेत, वर्षमान पुन, गिरिराजमणि पोखरेल, पद्मा अर्याल, विना मगरलगायतलाई बिदा गर्ने ओलीको तयारी छ । ओलीले सरकारका प्रवक्तामा परराष्ट्रमन्त्री प्रदिप ज्ञवालीलाई नियुक्ति गरिसकेका छन् ।