काठमाडौँ, असार २३। प्रधानमन्त्री निवास बालुवाटारमा मन्त्रिपरिषद्को बैठक जारी रहेको प्रधानमन्त्रीका प्रेस सल्लाहकार सुर्य थापाले जानकारी दिएका छन् । अहिले बसिरहेको बैठकले प्रहरी महानिरीक्षक नियुक्त गर्ने सम्भावना रहेको बालुवाटार स्रोतले बताएको छ ।
अहिलेका आइजिपी ठाकुर ज्ञवाली भोलि बुधबारबाट अवकास पाउँदैछन् । उनी ३० वर्षे सेवा अवधिका कारणले नियमित अवकासमा बस्न लागेका हुन् । सरकारले एआइजीहरू मध्येबाट नयाँ आइजिपी नियुक्त गर्दैछ ।
एआइजीद्वय शैलेश थापा क्षेत्री र हरिबहादुर पालमध्ये एक जना आइजिपी हुनेछन् । उनीहरूमध्ये जो आइजिपी भएपनि २२ महिना सेवा गर्नेछन् । अहिलेका आइजिपी ज्ञवाली ५ महिना मात्रै उक्त पदमा रहे । उनी गत माघमा आइजिपी भएका थिए ।
