३० आश्विन २०७७, शुक्रबार २१:१६

उत्कृष्ट काम गर्ने नौ प्रहरी पुरस्कृत



मनमाया भट्टराई

नवलपुर, ३० असोज । जिल्ला प्रहरी कार्यालय नवलपरासी (बर्दघाट–सुस्तापूर्व)ले अपराध अनुसन्धानमा उत्कृष्ट काम गर्ने नौ प्रहरीलाई पुरस्कृत गरेको छ । आज ६५औँ प्रहरी दिवसका अवसरमा कावासोतीमा आयोजित कार्यक्रममा प्रमुख जिल्ला अधिकारी मनमाया भट्टराई पङ्गेनीले सो सम्मान गर्नुभएको हो ।

दिवसकै अवसर पारेर जिल्लामा आयोजित ब्याडमिन्टन तथा टेबल टेनिस प्रतियोगितामा प्रथम र द्वितीय हुने खेलाडी तथा विपद् व्यवस्थापनमा उत्कृष्ट काम गर्ने इलाका प्रहरी कार्यालय दुम्किबास र जिल्ला ट्राफिक प्रहरी कार्यालय नवलपरासी (बर्दघाट–सुस्तापूर्व)लाई समेत नगद तथा प्रमाणपत्रबाट पुरस्कृत गरिएको छ ।

चाडपर्व केन्द्रित एकीकृत सुरक्षा योजना अन्तर्गत प्रहरीले सञ्चालन गरेको साइकल गस्तीको समेत प्रहरी दिवसकै अवसर पारेर शुक्रबार उद्घाटन गरिएको छ । प्रहरी दिवस तथा साइकल गस्तीको उद्घाटन गर्दै प्रमुख जिल्ला अधिकारी पङ्गेनीले जिल्लाको शान्ति सुरक्षा कायम गर्न प्रहरीले उत्कृष्ट काम गरेको बताउनुभयो ।

कार्यक्रममा जिल्ला प्रहरी कार्यालयका प्रमुख प्रहरी उपरीक्षक प्रकाश मल्लले जिल्लामा चाडपर्वलाई शान्त, व्यवस्थित र मर्यादित बनाउन विशेष सुरक्षा योजना लागू गरिएको बताउनुभयो ।



प्रतिक्रिया दिनुहोस !
सम्बन्धित खबरहरु

परासी, ५ कात्तिक । दशै शुरुभएसँगै नवलपरासी(बर्दघाट–सुस्ता पश्चिम)को सिमासँग जोडिएका भारतीय बजारमा नेपालीको आवातजावत बाक्लिएको छ । कोभिड १९ को

काठमाडौँ, ५ कात्तिक । सरकारले विगतका वर्षमा जसरी दशैँ तिहार, छठलगायतका चाडपर्वमा घर जान चाहने नागरिकका लागि अग्रिम टिकट नखुलाए

कर्णाली, ५ कात्तिक । पेट्रोलमा डिजेल मिसावट गरी बिक्री गरेको पाइएपछि वीरेन्द्रनगरस्थित एक पम्प सिल गरिएको छ । जिल्ला प्रशासन

चितवन, कार्तिक ४ । चितवन जिल्लामा थप ४९ जनामा कोरोना भाइरस (कोभिड-१९) संक्रमण पुष्टि भएको छ । भरतपुर अस्पताल कोभिड-१९