पम्प्लेट टाँसेर सुन्दरता बिगार्ने सोह्रजनाबाट रु ७३ हजार असुल Nepalpatra पम्प्लेट टाँसेर सुन्दरता बिगार्ने सोह्रजनाबाट रु ७३ हजार असुल
२३ मंसिर २०७८, बिहिबार

पम्प्लेट टाँसेर सुन्दरता बिगार्ने सोह्रजनाबाट रु ७३ हजार असुल


No photo Image

 

२७ वैशाख, काठमाण्डौ । काठमाण्डौ महानगरले वैशाख महिनाको हालसम्म शहरी सुन्दरता बिगार्ने उद्देश्यले विभिन्न स्थानमा ब्यानर, पोस्टर, पम्प्लेट टाँस्ने १६ जनाबाट रु ७३ हजार असुल गरेको छ ।

केही समयदेखिनै कामपाले जथाभावी पोस्टर पम्प्लेट नटाँस्नका लागि आग्रह गरेपनि अटेर गरी टाँस्नेलाई कारबाही गरिरहेको छ ।

एक तह वा कक्षा उत्तीर्ण गरेपछि अन्य कक्षा वा तह उत्तीर्ण गर्ने बेलामा परिवर्तन हुने शिक्षण संस्थामा आकर्षण बढाउन, पढाइ नभएका बेला अन्य सीपमूलक तथा व्यावसायिक तालीम लिन तथा वैदेशिक अध्ययनमा पठाउने संस्थाले यसप्रकारको प्रचार सामग्री वितरण गर्ने गरेका छन् ।

महानगरको वातावरण विभागका अधिकारी र नगर प्रहरीको टोलीले अहिले नियमितरुपमा अनुगमन गरी कारबाहीको प्रक्रिया अघि बढाएको कामपाका सहप्रवक्ता नवराज ढकालले जानकारी दिनुभयो ।

अनुगमनका क्रममा प्रदर्शनी मार्ग, पुतलीसडक, बागबजार, बानेश्वरलगायतका क्षेत्रबाट १६ जना पक्राउ परेका हुन् । ढकालका अनुसार अहिले एसईई परीक्षा दिएर बसेका विद्यार्थी भाइबहिनीलाई मध्यनजर गर्दै अत्यधिकरुपमा पोस्टर पम्प्लेट बाँड्ने काम भइरहेको छ । टाँसिरहेका र टाँस्ने तयारीमा रहेका सबैलाई पक्राउ गरेर सम्झाउने कारबाहीस्वरुप रकम असुल गरेको छ । रकम असूलीपछि सबैलाई रिहाई गरिसकिएको छ ।

यस्तो कार्य गर्नेबाट कामपाले रु ५०० देखि रु एक लाखसम्म असुल गर्ने गरेको छ ।  (रासस)


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !