चिनाउन नपर्ने नाम हो शाहरुख खान । ‘बलिवुड बादशाह’, ‘किङ्ग खान’ जस्ता उपनामले पनि उनलाई चिनिन्छ । दर्जनौं फिल्महरुमा अभिनय गरेका उनले चौध वटा फिल्म फेयर अवार्ड्स पाएका छन् । दर्शकमाझको लोकप्रियता र अभिनयबाटको आम्दानीको हिसाबले भारतमा मात्र होइन, पुरै विश्वमा उनलाई अत्यन्त सफल अभिनेता मानिन्छ । असीको अन्त्यताका टेलिभिजनबाट उदाएका उनले १९९२ मा ‘दिवाना’ फिल्मबाट अभिनयमा फड्को मारेका थिए । सुरुमा ‘डर’ ,’बाजिगर’ जस्ता चलचित्रबाट नकारात्मक भूमिकामा जमे पनि पछि ‘दिलवाले दुल्हनिया ले जाहेंगे’,’दिल तो पागल है’ जस्ता रोमान्टिक चलचित्रहरुबाट उनको चर्चा चुलिएको थियो । प्रस्तुत छन् यी लोकप्रिय कलाकारका रमाइला तस्बिरहरु:
