बेलायतकी महारानी एलिजाबेथका पति राजकुमार फिलिपको निधन Nepalpatra बेलायतकी महारानी एलिजाबेथका पति राजकुमार फिलिपको निधन
१८ मंसिर २०७८, शनिबार

बेलायतकी महारानी एलिजाबेथका पति राजकुमार फिलिपको निधन


बेलायतकी महारानी एलिजाबेथका पति राजकुमार फिलिपको निधन

काठमाडाैं । बेलायतकी महारानी एलिजाबेथ द्वितीयाका पति राजकुमार फिलिपको ९९ वर्षको उमेरमा निधन भएको छ । बेलायतको बकिङ्घम राजदरबारले शुक्रबार विज्ञप्ति जारी गर्दै राजकुमार फिलिपको निधन भएको घोषणा गरेको हो ।

बकिङ्घम राजदरबारले जारी गरेको विज्ञप्तिमा भनिएको छ, ‘गहिरो दुखका साथ महारानीले उनका प्रिय श्रीमान्‌ ड्यूक अफ एडिनबरा राजकुमार फिलिपको मृत्यु भएको घोषणा गरेकी छन् । महामहिमको शान्तिपूर्वक आज बिहान विन्डसर क्यासलमा निधन भएको छ।’

राजकुमार फिलिप ग्रीक आइल्यान्ड अफ कोर्फुमा १० जुन सन् १९२१ मा जन्मिएका थिए । राजकुमार फिलिपले राजकुमारी एलिजाबेथसँग सन् १९४७ मा बिहे गरेका थिए । सन् २०१७ को अगस्टदेखि भने उनले सार्वजनिक जिम्मेवारीबाट संन्यास लिएका थिए ।

गत महिना ड्यूक अफ एडिनबरा १ महिना अस्पताल बसेर डिस्चार्ज भएका थिए। राजकुमार फिलिप र महारानी एलिजाबेथका ४ जना सन्तान, ८ जना नाति-नातिनी र १० जना पनाति-पनातिनी छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !