नवलपरासी । लायन्स क्लब अफ मध्यविन्दु सिटीले बृक्षारोपण कार्यक्रम आयोजना गरेको छ । आज साउन १९ गते शनिवारका दिन विहानै लायन्स क्लब अफ मध्यविन्दु सिटीको आयोजनामा मध्यविन्दु-७ चोरमारामा अवस्थित नवजागरण रंगशालामा बृक्षारोपण कार्यक्रम सम्पन्न गरिएको हो ।
आजको कार्यक्रममा क्लबका अध्यक्ष धुर्व पोखरेलको अध्यक्षतामा संचालन भएको कार्यक्रममा उपस्थित प्रमुख अतिथिमा मध्यविन्दु नगरप्रमुख भिमलाल अधिकारी, अन्य अतिथिहरूमा नवजागरण नमुना माध्यमिक विद्यालयका प्रधानाध्यापक हरि प्रसाद देवकोटा तथा जिल्ला सल्लाहकार पदमराज लम्साल र दर्पण एफएमका अध्यक्ष देवलाल काफ्ले, ससस्त्र प्रहरी चोरमाराका प्रमुख लगायतको सहभागितामा बृक्षारोपण कार्यक्रम सम्पन्न भएको हो ।
उक्त कार्यक्रममा सचिव काशिराम अर्यालले स्वागत मन्तव्य दिएका थिए । आजको कार्यक्रममा विरुवा रोप्नाले स्वास्थ्यमा समेत फाइदा हुने र यस्ता कार्यक्रमले पर्यावरणमा समेत ठूलो प्रभाव देखाउने हुनाले सडकको छेउछाउमा यस्ता बोटबिरुवा रोप्ने कुरामा विशेष जोड दिएका थिए ।
