आज फोहोरका १५२ गाडीहरु पुगे बञ्चरे डाँडा, भोलिबाट दैनिक २५० देखि ३५० पुग्ने Nepalpatra आज फोहोरका १५२ गाडीहरु पुगे बञ्चरे डाँडा, भोलिबाट दैनिक २५० देखि ३५० पुग्ने
१५ आश्विन २०७९, शनिबार

आज फोहोरका १५२ गाडीहरु पुगे बञ्चरे डाँडा, भोलिबाट दैनिक २५० देखि ३५० पुग्ने


फोहोरका गाडीहरु

काठमाडौँ । आज फोहोरका १५२ वटा गाडीहरु बञ्चरे डाँडा पुगेका छन् । काठमाडौँ महानगरपालिकाका मेयर बालेन साहले सामाजिक संजाल फेसबुकमार्फत सो जानकारी दिएका छन् ।

उनका अनुसार कुनै अवरोध नभएमा भोलिबाट दैनिक २५० देखि ३५० गाडीहरु फोहोर बोकेर बञ्चरे पुग्ने बताएका छन् । तर काठमाण्डौँको ७५ गाडी र त्यति नै मात्रामा अरु पालिकाहरुबाट पनि दैनिक उत्सर्जन हुने भएकाले दैनिकरुपमा १५० गाडी फोहोरको व्यवस्थापन हुनु पर्नेमा उनले जोड दिएका छन् ।

उनले काठमाडौँ महानगरले कुनै पनि हालतमा सिसडोलको दुरावश्था बञ्चरेमा दोहोर्याउने नदिने पनि प्रतिबद्धता पनि जनाएका छन् । थुप्रिएका फोहोरहरुको व्यवस्थापन नभइ अन्य विकल्पहरुमा जानु व्यवहारिक रुपमा कठिनाइ भएकाले मात्रै बाध्य भएर अहिलेको व्यवस्थापनको तरिका अपनाइ रहेको पनु उनले प्रष्ट पारेका छन् ।

उनले फोहोरको दीर्घकालिन व्यवस्थापनका लागि योजनाहरु छन् र हदैसम्म प्रयास गरिने पनि जनाएका छन् । काठमाडौँ महानगरको अन्तिम लक्ष्य भनेको फोहोरको त्यस्तो व्यवस्थापन हो, जहाँ कसैले फोहोरले आक्रन्त हुनु पर्दैन, कसैले गुमाउनु पर्दैन र सबैको साझा जित हुने पनि उनले बताएका छन् ।

मेयर साहले यसैले नियमित अवस्थामा पुग्न केहि समय लाग्ने भएकोले यसमा सबैको सहकार्यको आवश्यकता भएको पनि उनले बताएका छन् । यसका लागि अवरोध नगर्ने स्थानीय, फोहोर संकलन तथा लैजान सफाइ कर्मचारी तथा चालकहरु तथा अवरोध खुलाउँन क्रियाशील सुरक्षाकर्मी तथा सम्बद्ध सबैलाई धेरै धन्यवाद ज्ञापन पनि उनले गरेका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !