संखुवासभा । सङ्खुवासभामा ६ जनाको सामूहिक हत्या प्रकरणमा संलग्न लोकबहादुर कार्कीका भाई नरेशसमेत थप ४ जनालाई प्रहरीले सार्वजनिक गरेको छ । भदौ २७ मा प्रहरीले २५ वर्षीय लोकबहादुरलाई सार्वजनिक गरेर उनी एक्लैले हत्या गरेको जिकिर गरेको थियो ।
आज जिल्ला सदरमुकाम खाँदबारीमा पत्रकार सम्मेलन गरेर ४ जनालाई प्रहरीले सार्वजनिक गरेको छ । संखुवासभाका डिएसपी लालध्वज सुवेदीले सामूहिक योजना र सबैजना मिलेर नै हत्या गरेको बताए ।
डिएसपी सुवेदीका अनुसार लोकबहादुर कार्कीका काका खड्गबहादुर कार्की र छोरा हस्तबहादुर मिलेर सबैभन्दा पहिला ५५ वर्षका तेज बहादुर कार्कीलाई हत्या गरेका थिए ।
डिएसपी सुवेदीका अनुसार रञ्जनाका छोरा ८ वर्षका विपिन कार्की र ५ वर्षकी छोरी गोमा घर नजिक बाटोमा निस्किएका थिए । लोकबहादुर र उनका दाई (काकाको छोरा) हस्तबहादुर मिलेर विपिन र गोमाको बाटोमा छेकेका थिए । अनि, मुख थुने । चिर्पटले हिर्काए ।
