पञ्चेबाजाका गुरु मानबिरे दमाईँको निधन Nepalpatra पञ्चेबाजाका गुरु मानबिरे दमाईँको निधन

२१ श्रावण २०७८, बिहिबार

पञ्चेबाजाका गुरु मानबिरे दमाईँको निधन


पञ्चेबाजा

दुल्लु । दैलेखमा पञ्चेबाजा र दाइने दमाह बाजाका गुरु मानिने मानबिरे दमाईँको निधन भएको छ । आठबिस नगरपालिका-१ का दमाईको ८८ वर्षको उमेरमा आज दिउँसो निधन भएको स्थानीयबासी दिपक नेपालीले जानकारी दिए ।

दमाईँ लामोसमयदेखि दमको रोगबाट पीडित थिए । कुनै बेला कुनै गाउँमा पञ्चेबाजा, हुड्के नाचमा उनको माग हुने र उनको दमाह बज्दा गाउँमा भीड नै लाग्ने गरेको थियो । ठुला घरमा विवाह उत्सवमा हुँदा प्रायः उनले नै बजाउथे ।

पूर्व राज्यमन्त्री शिवराज जोशी, आठबीस नगरपालिकाका प्रमुख खड्कराज उपाध्याय लगायत विभिन्न जनप्रतिनिधिले दमार्ईँको निधनबाट अपूरणीय क्षति भएको बताउँदै श्रद्धाञ्जलि व्यक्त गरेका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा