रोल्पामा पहिरोमा पुरिएर ३ जनाको मृत्यु, ३ जना घाइते Nepalpatra रोल्पामा पहिरोमा पुरिएर ३ जनाको मृत्यु, ३ जना घाइते
१२ श्रावण २०७८, मंगलबार

रोल्पामा पहिरोमा पुरिएर ३ जनाको मृत्यु, ३ जना घाइते


रोल्पामा पहिरो

रोल्पा । अविरल वर्षापछि गएको पहिरोमा परी रोल्पा नगरपालिका-९ लिउनमा ३ जनाको ज्यान गएको छ । घरमा सुतिरहेको अवस्थामा घरमाथिबाट आएको पहिरामा पुरिएर उनीहरुको मृत्यु भएको प्रहरीले जनाएको छ ।

घटनामा परी तीनजना घाइते भएका छन् । पहिराले घर पुरिँदा रोल्पा-९ लिउनका ४६ वर्षीया प्रतिमा बुढा, १८ वर्षीया सुशिला बुढा र १६ वर्षीया श्यामकला बुढाको मृत्यु भएको घटनास्थल पुगेका जिल्ला प्रहरी कार्यालयका प्रहरी नायब उपरीक्षक नरेशराज सुवेदीले जानकारी दिए ।

घटनामा परी ४० वर्षीय टीकासिंह बुढा, ४५ वर्षीया सुनमाया बुढा र ९ वर्षीय शक्तिमान बुढा घाइते अवस्था रहेको सुवेदीले बताए । “घाइतेमध्ये सुनमाया र शक्तिमानको अवस्था सामान्य छ”, सुवेदीले भने ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !