गोरखाको बारपाकमा एकै घरमा सुतेका ३ जना मृतावस्थामा Nepalpatra गोरखाको बारपाकमा एकै घरमा सुतेका ३ जना मृतावस्थामा
१७ फाल्गुन २०७७, सोमबार

गोरखाको बारपाकमा एकै घरमा सुतेका ३ जना मृतावस्थामा


मृत्यु

गोरखा । एउटै घरमा सुतेका ३ जना मृतावस्थामा भेटिएका छन् । गोरखाको बारापाक सुलिकोट गाउँपालिका-१ बारपाकस्थित धाँमी तोराङमा गएराति एउटै घरमा सुतेका १ जना पुरुष र २ जना महिला मृतावस्थामा भेटिएको जिल्ला प्रहरी कार्यालयका प्रमुख प्रहरी उपरीक्षक सुरेन्द्रबहादुर गुरुङले जानकारी दिए ।

उनका अनुसार मृतावस्थामा भेटिनेमा ८४ वर्षीय दिलबहादुर गुरुङ, उनकी बुहारी २२ वर्षीया आइतकुमारी गुरुङ र १३ वर्षीया नातिनी (छोरीकी छोरी) उषा गुरुङ रहेका छन् । आज बिहान अबेरसम्म पनि घरको ढोका नखुलेपछि सँगैको छिमेकीले भित्र गएर हेर्दा तीनै जना मृतावस्थामा देखेपछि स्थानीयले प्रहरीलाई खबर गरेका थिए ।

अहिले इलाका प्रहरी कार्यालय जौवारीका प्रहरी निरीक्षक ईश्वर लौडारीको नेतृत्वको टोली घटनास्थलतर्फ पठाइएको उपरीक्षक गुरुङले जानकारी दिए । घटनास्थलमा पुगेर थप अनुसन्धान नगरेसम्म घटनाका बारेमा थप केही बताउन नसक्ने उनको भनाइ छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !