ट्रक दुर्घटना हुँदा २ जनाको मृत्यु, एक जना गम्भीर घाइते

काठमाडौं । सोमबार बिहान चितवनबाट रड बोकेर काठमाडौंतर्फ आइरहेको ट्रक र सिमेन्ट बोकेको ट्रक एक आपसमा ठोक्किदा दुई जनाको ज्यान गएको छ । एक जना गम्भीर घाइते भएका छन् । धादिङको सिम्लेमा काठमाडौंतर्फ आइरहेको लु २ ख २७० नम्बरको ट्रकले ना ६ ख ६४६५ नम्बरको ट्रकलाई ठक्कर दिएको थियो ।

दुर्घटनामा रड बोकेको ट्रकमा सवार दुई जनाको ज्यान गएको छ । एक जनाको ट्रमा सेन्टर काठमाडौंमा उपचार भइरहेको छ । उनीहरुको सनाखत नभइसकेको इलाका प्रहरी कार्यालय खानीखोलाले जानकारी दिएको छ ।