, स्वास्थ्य सामग्रीबाट अनौठो गन्ध आएको भन्दै सेनाका स्काई ट्रक बीच बाटोबाटै फिर्ता

स्वास्थ्य सामग्रीबाट अनौठो गन्ध आएको भन्दै सेनाका स्काई ट्रक बीच बाटोबाटै फिर्ता

स्वास्थ्य सामग्रीबाट अनौठो गन्ध आएको भन्दै नेपाली सेनाका २ वटा स्काई ट्रक बीच बाटोबाटै फिर्ता

चैत १७, काठमाडौँ । कोरोना भाइरस (ओभिड-१९ ) रोकथामका लागि नेपाल सरकारले चीनबाट ल्याएको स्वास्थ्य सामग्री लिएर प्रदेश १ को विराटनगर र सूदुरपश्चिम प्रदेशको धनगढी उडेका नेपाली सेनाको दुईवटा स्काई ट्रकहरु अनौठो गन्ध आएको भन्दै बीचबाटै फर्किएका छन् । मास्क, स्यानिटाइजर, पर्सनल प्रोटेक्टिभ इक्युपमेन्ट (पीपीई) लगायतका सामग्री लिएर स्काई ट्रक सोमबार बिहान उडेको थियो ।

विमान चालकले एक प्रकारको फरक किसिमको गन्ध आएपछि उडान भर्न नसक्‍ने बताएपछि स्काई ट्रक डाइभर्ट भएर पुन: त्रिभुवन विमानस्थल नै फिर्ता भएका थिए । नेपाली सेनाका प्रवक्ता विज्ञानदेव पाण्डेले स्काई ट्रक फिर्ता भएको घटनाको पुष्टि गरेका छन् । उनका अनुसार के कस्तो गन्ध आएको भनेर यकिन भइसकेको छैन । विमानस्थलका महाप्रबन्धक देवेन्द्र केसीका अनुसार स्यानिटाइजरको गन्धका कारण विमानहरू बीचबाटै फिर्ता भएकाहुन् ।