, कर्णालीमा आज ३७ जनामा कोरोना पुष्टि, संक्रमितको संख्या ७०८ पुग्यो

कर्णालीमा आज ३७ जनामा कोरोना पुष्टि, संक्रमितको संख्या ७०८ पुग्यो

कर्णाली प्रदेशमा कोरोना संक्रमितको संख्या ७०८ पुग्यो, आज थपिए ३७ जना

सुर्खेत, २८ जेठ । कर्णाली प्रदेशमा आज दिउसो ३७ जनामा कोरोना भाइरस (कोभिड-१९) को संक्रमण पुष्टि भएको छ । योसंगै कर्णाली प्रदेशमा कोरोना संक्रमितको संख्या ७०८ जना पुगेको छ । कर्णाली प्रदेश सामाजिक विकास मन्त्रालयका स्वास्थ्य सेवा महाशाखा प्रमुख डा. लक्ष्मीनारायण तिवारीले एक प्रेस बिज्ञप्ति जारी गर्दै सो कुराको जानकारी दिएका हुन् ।

डा. तिवारीका अनुसार प्रदेश अस्पताल, सुर्खेत र पशुपन्छी रोग अन्वेषण प्रयोगशालामा गरिएको परीक्षणमा ३७ जनामा कोरोना संक्रमण पुष्टि भएको हो । नयाँ कोरोना संक्रमितहरु दैलेखमा २५ जना, सुर्खेतमा ९ जना र जाजरकोटमा ३ जना रहेका छन् ।

मन्त्रालयका अनुसार आज संक्रमण पुष्टि दैलेखको डुङ्गेश्वर गाउँपालिका वडा नम्वर १, २, ३, ४ र ५ का २३ जना पुरुषहरु र २ जना महिलाहरु रहेका छन् । त्यस्तै सुर्खेतको बराहाताल गाउँपालिका वडा नम्वर ४, का १ जना पुरुष, गुर्भाकोट नगरपालिका वडा नम्वर १२ का २ जना महिलाहरु, वडा नम्वर १४ का ४ जना पुरुषहरु र १ जना महिला रहेका छन् ।

साथै सिम्ता गाउँपालिका वडा नम्वर ३ का १ जना पुरुष रहेका छन् । त्यस्तै जाजरकोट छेडागाड नगरपालिका वडा नम्वर १२ का २ जना पुरुषहरु, शिवालय गाउँपालिका वडा नम्वर १ का १ जना पुरुष रहेका छन् । मन्त्रालयका अनुसार उनीहरु सवै स्वास्थ्यककर्मीको सम्पर्कमा रहेका छन् ।

यो पनि पढ्नुहोस्

कर्णालीमा आज २० जनामा कोरोना पुष्टि, संक्रमितको संख्या ६७१ पुग्यो