चौबिस घण्टामा ७३ जनाको कोरोना परीक्षण, नयाँ संक्रमित शून्य Nepalpatra चौबिस घण्टामा ७३ जनाको कोरोना परीक्षण, नयाँ संक्रमित शून्य
१५ फाल्गुन २०७७, शनिबार

चौबिस घण्टामा ७३ जनाको कोरोना परीक्षण, नयाँ संक्रमित शून्य


डा. विकास देवकोटा

चैत १९, काठमाडौं । नेपालमा पछिल्लो चौबिस घण्टामा ७३ जना मनिसको कोरोना भाइरसको प्रयोगशाला परीक्षण भएको छ । उक्त परीक्षणका क्रममा कोरोना भाइरसको नयाँ संक्रमण देखिएको छैन । स्वास्थ्य मन्त्रालयको नियमित पत्रकार सम्मेलनका क्रममा मन्त्रालयका प्रवक्ता डा. विकास देवकोटाले सबैमा कोरोना नेगेटिभ आएको जानकारी दिएका हुन् ।

उनका अनुसार बुधबार दिउसो सवा ४ बजेसम्म नेपालमा ११३३ जनामा कोरोना परीक्षण गरिएको जानकारी दिए । आज मंगलबारको ब्रिफिङका क्रममा डा देवकोटाले नेपालमा १ हजार ६० जनाको कोरना परीक्षण गरेको जानकारी दिएका थिए।

नेपालमा हालसम्म ५ जना मात्र कोरोना संक्रमित भेटिएका छन् । ५ जनामध्ये १ जना उपचारपछि निको भइसकेका छन् । ४ जनाको उपचार भइरहेको छ। उपचारमा रहेकाहरुको स्वास्थ्यमा उल्लेख्य सुधार आइरहेको डा. देवकोटाले जानकारी दिएका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !