लकडाउनले आम्दानीको बाटो बन्द भएपछि रिक्सा चालक भोकभोकै रात कटाउन बाध्य Nepalpatra लकडाउनले आम्दानीको बाटो बन्द भएपछि रिक्सा चालक भोकभोकै रात कटाउन बाध्य
१२ फाल्गुन २०७७, बुधबार

लकडाउनपछि रिक्सा चालक भोकभोकै


रिक्सा चालक

चैत १३, वीरगन्ज । लकडाउनले आम्दानीको बाटो बन्द भएपछि वीरगन्जमा रिक्सा चालक भोकभोकै रात कटाएका खबर आएका छन् । पसलेले उधारोमा खाद्यान्न नदिएपछि केहि रिक्सा ग्यारेजमा भोकै सुतेका छन् । कोरोना संक्रमणबाट जोगिन देशभर मङगलवारदेखि लकडाउन भएपछि वीरगन्जमा १५० रिक्सा चालक भोकभोकै बसेका छन् ।

कोरोनाको त्रास बढ्दै गएपछि लकडाउन हुनुभन्दा पहिले केही रिक्सा चालक घर फर्किसकेका छन् । तर लक डाउन भएपछि घर फर्कन नपाएका झण्डै १५० रिक्सा चालक भने ग्यारेजमै अलपत्र अवस्थामा छन् । यो समाचार क्रान्ति शाहले अन्नपूर्ण पोष्ट डटकममा लेखेका छन।

नेपाल सरकारले कोरोना भाइरस (कोभिड-१९) संक्रमण नियन्त्रणका लागि वर्तमान समयमा देखाएको गम्भीर चासो र लिएका कदमहरू स्वागतयोग्य नै छन् । तर नेपाल सरकारले लकडाउन घोषणा गरेपछि दैनिक ज्यालादारीमा गुजारा चलाउँदै आएका श्रमिकहरू र न्यून आय भएका नेपालीहरु अप्ठेरोमा परेका छन् । लकडाउनले आम्दानीको बाटो बन्द भएपछि वीरगन्जमा १५० रिक्सा चालक भोकभोकै रात कटाएका खबर आएका छन् ।

संस्कृति, पर्यटन तथा नागरिक उड्डयन मन्त्री योगेश भट्टराईले लकडाउनलाई जनताले पूर्ण रुपमा पालना नगरे ठूलो जोखिम हुने भन्दै १ साताको लकडाउनले नपुग्ने भएकाले २१ दिनसम्मको लकडाउन लम्बिन सक्ने बताएका छन् । साथै आज मात्र परराष्ट्र मन्त्री प्रदिप ज्ञवालीले लकडाउन २ हप्ता थपेर ३ हप्ता वा २१ दिन हुनसक्ने पनि बताएका छन् ।

नेपालमा कोरोना भाइरसको संक्रमण दर वृद्धि भई रहेको छ । नेपाल सरकारका मन्त्रीहरुले पनि लकडाउन लम्बिन सक्ने बताएका छन् । यदि कोरोनाबाट सुरक्षित हुँदाहुँदै लकडाउन लम्बियो भने दैनिक ज्यालादारी गर्ने र न्यून आय भएका नेपालीहरुको रोजीरोटी बन्द हुने स्थिति आएर भोकमरीको सिकार हुने प्रवल सम्भावना दिनप्रतिदिन बढिरहेको देखिन्छ ।

नेपाल सरकार दूरदर्शी भएर यस्ता समूहलाई भोकमारीको सिकार हुन नदिन सरकारले तत्काल विशेष राहत प्याकेज घोषणा गर्न जरुरी देखिन्छ । तसर्थ, नेपाल सरकारले तुरून्तै विशेष प्याकेज घोषणा गरी निःशुल्क रासन, नि:शुल्क उपचार आदिको सेवा-सुबिधा दिई कार्यान्वयन गर्न संघीय सरकार, प्रदेश सरकार र स्थानीय सरकारहरूलाई गम्भीर ध्यानाकर्षण हुन् जरुरी छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
सम्बन्धित खबरहरु