देशभर थप ८४८ जनामा कोरोना संक्रमण, १ जनाको मृत्यु Nepalpatra देशभर थप ८४८ जनामा कोरोना संक्रमण, १ जनाको मृत्यु
२२ मंसिर २०७९, बिहिबार

देशभर थप ८४८ जनामा कोरोना संक्रमण, १ जनाको मृत्यु


नेपालमा कोरोना

काठमाडौँ । नेपालमा पछिल्लो २४ घण्टामा २७२२ जनामा पिसिआर परिक्षण गर्दा ३९९ जना र २८९७ जनामा एन्टीजेन परिक्षण गर्दा ४४९ जना गरी जम्मा ५६१९* नमुनाको परीक्षण गर्दा ८४८* जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य मन्त्रालयका अनुसार पछिल्लो २४ घण्टामा ५२६ जनाले कोरोना जितेसंगै नेपालमा कोरोना जित्नेको संख्या ९ लाख ७६ हजार ६०९ जना पुगेको छ । नेपालमा कोरोना निको हुने दर ९८.३ प्रतिशत रहेको मन्त्रालयले जनाएको छ ।

कोरोना संक्रमणवाट पछिल्लो २४ घण्टामा कोरोना संक्रमणवाट १ जनाको मृत्यु भएको छ । हालसम्म कोरोना संक्रमणवाट ११९९० जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.२ प्रतिशत रहेको मन्त्रालयले जनाएको छ ।

पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज २७१ जनामा कोरोना संक्रमण पुष्टि भएको मन्त्रालयले जानकारी दिएको छ । आज काठमाडौं जिल्लामा २३५ जना, ललितपुर जिल्लामा २९ जना र भक्तपुर जिल्लामा ७ जनामा कोरोना संक्रमण देखिएको हो ।

हाल देशभर ५२५९ जना सक्रिय कोरोना संक्रमितमध्‍ये ५०६२ जना होम आइसोलेसनमा रहेका छन् भने १९७ जना संस्थागत आइसोलेसनमा रहेका छन् । यस्तै ६८ जना आईसीयू र ४ जना भेन्टिलेटरमा उपचाररत रहेका छन् ।

हालसम्म नेपालमा ५८ लाख ५९ हजार ३५० पिसिआर परीक्षण भएको छ भने १३ लाख २२ हजार ४५८ एन्टीजेन परीक्षण गरिएको छ भने क्वारेन्टाइनमा कोही पनि बसेका छैनन् ।

*एसएमएस र इमेलबाट प्राप्त आरडीटी एन्टीजेनको विवरण समावेश गरिएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !