देशभर थप ३१०८ जनामा कोरोना पुष्टि, २५ जनाको मृत्यु Nepalpatra देशभर थप ३१०८ जनामा कोरोना पुष्टि, २५ जनाको मृत्यु

२१ श्रावण २०७८, बिहिबार

देशभर थप ३१०८ जनामा कोरोना पुष्टि, २५ जनाको मृत्यु


नेपाल कोरोना

काठमाडौँ । नेपालमा पछिल्लो २४ घण्टामा ८८३६ जनामा पिसिआर परिक्षण गर्दा २२०२ जना र ४२९९ जनामा एन्टीजेन परिक्षण गर्दा ९०६ जना गरी ३१०८ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

स्वास्थ्य मन्त्रालयका अनुसार हालसम्म नेपालमा पिसिआर परिक्षणद्वारा कोरोना संक्रमितको संख्या ६ लाख ७० हजार ९५३ जना पुगेको छ भने एन्टीजेन परिक्षणद्वारा कोरोना संक्रमितको संख्या ५० हजार ६६४ जना पुगेको छ ।

स्वास्थ्य मन्त्रालयका अनुसार पछिल्लो २४ घण्टामा १५९५ जनाले कोरोना जितेसंगै नेपालमा कोरोना जित्नेको संख्या ६ लाख ३४ हजार ९२७ जना पुगेको छ । कोरोना संक्रमणवाट पछिल्लो २४ घण्टामा २५ जनाको मृत्यु भएसंगै हालसम्म कोरोना संक्रमणवाट ९६०७ जनाको मृत्यु भईसकेको छ ।

पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज ७१९ जनामा कोरोना संक्रमण पुष्टि भएको मन्त्रालयले जानकारी दिएको हो । आज काठमाडौं जिल्लामा ५३१ जना, ललितपुर जिल्लामा १४७ जना र भक्तपुर जिल्लामा ४१ जनामा कोरोना संक्रमण देखिएको छ ।

हालसम्म नेपालमा ३४ लाख ८६ हजार ३५४ पिसिआर परीक्षण भएको छ भने २ लाख ७० हजार ९६१ एन्टीजेन परीक्षण गरिएको छ भने ३२६ जना क्वारेन्टाइनमा बसेका छन् ।

कोरोना सक्रिय संक्रमितमध्ये २३ हजार ८३४ जना होम आइसोलेसनमा र २५८५ जना संस्थागत आइसोलेसनमा रहेका छन् । यस्तै ५९२ जना आईसीयूमा र १७२ जना भेन्टिलेटरमा रहेका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा