काठमाडौं उपत्यकामा जारी निषेधाज्ञा १५ दिन थपेर जेठ १३ गतेसम्म लम्ब्याइयाे Nepalpatra काठमाडौं उपत्यकामा जारी निषेधाज्ञा १५ दिन थपेर जेठ १३ गतेसम्म लम्ब्याइयाे
३१ जेष्ठ २०७८, सोमबार

काठमाडौं उपत्यकामा जारी निषेधाज्ञा १५ दिन थपेर जेठ १३ गतेसम्म लम्ब्याइयाे


काठमाडौँ

काठमाडौं । काठमाडौं उपत्यकाका १५ दिन निषेधाज्ञा थपेर आगामी जेठ १३ गतेसम्म लम्ब्याइने निर्णय गरिएको छ । उपत्यकामा वैशाख १६ गतेयता जारी निषेधाज्ञा भोलि वैशाख २९ गतेसम्म कायम रहेको छ ।

उपत्यकाका तीनवटै जिल्लाहरु काठमाडौं, भक्तपुर र ललितपुरका प्रमुख जिल्ला अधिकारीहरुको बैठकले सो निर्णय गरेको हो । कोरोनाको संक्रमण थप बढ्दै गएकोले रोकथामका लागि निषेधाज्ञा लम्ब्याउने निर्णय गरिएको हो ।

बैठकले निषेधाज्ञा थप कडा पार्ने निर्णय पनि गरेको छ । राष्ट्रिय प्राथमिकता प्राप्त विकास आयोजना बाहेकका सबै निर्माण कार्य पनि रोक्ने निर्णय बैठकले गरेको छ । यस्तै पार्टी प्यालेसमा विवाह, ब्रतबन्ध र भोज जस्ता कार्यक्रम पनि रोक्ने र यस्ता कार्यक्रम घरमा गर्दा पनि १० जना भन्दा सहभागी हुन नपाइने निर्णय बैठकले निर्णय गरेकाे छ ।

तर आजको प्रजिअहरुको बैठकले उपत्यकामा विहान १० बजेसम्म किराना पसल र डिपार्टमेन्ट स्टोर खोल्न दिने निर्णय गरेका छन् । ९ बजेसम्म मात्र खोल्न दिँदा भीडभाड बढेको हुनाले किराना र डिपार्टमेन्ट स्टोर १० बजेसम्म खोल्न दिने निर्णय गरिएको हो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !