पर्सामा आज एकैदिन थपिए १६९ जना कोरोना संक्रमित Nepalpatra पर्सामा आज एकैदिन थपिए १६९ जना कोरोना संक्रमित
३० बैशाख २०७८, बिहिबार

पर्सामा आज एकैदिन थपिए १६९ जना कोरोना संक्रमित


कोरोना संक्रमित

पर्सा । पर्सामा आज एकैदिन १६९ जना कोरोना भाइरस (कोभिड-१९) संक्रमित फेला परेका छन् । वीरगञ्जको नारायणी अस्पतालमा २८८ जनाको स्वाबको नमूना परीक्षण गर्दा आज बिहान आएको रिपोर्टमा १० वर्षदेखि ७७ वर्ष उमेर समुहका १३३ पुरुष र ३६ महिलामा संक्रमण पुष्टि भएको हो ।

भेटिएका सङ्क्रमितमध्ये सबैभन्दा बढी पर्साबाट १४० रहेका छन भने बाराबाट २४, रौतहटबाट तीन र सप्तरी तथा दैलेखका १/१ जनामा संक्रमण पुष्टि भएको नारायाणी अस्पतालका कोभिड संयोजक डा. सरोज रोशन दासले जानकारी दिए ।

उनले कोरोना संक्रमणको दोस्रो छालमा फेला परेका संक्रमितमध्ये यो सबैभन्दा बढी सङ्ख्या रहेको बताए । यससँगै पर्सामा सङ्क्रमितको कुल संख्या ४ हजार ३१७ पुगेको छ । त्यस्तै सक्रिय संक्रमितको संख्या १ हजार १३५ पुगेको जिल्ला प्रशासन कार्यालय पर्साले जनाएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !