काठमाडौँ । नेपालमा पछिल्लो २४ घण्टामा कोरोना भाइरस (कोभिड-१९) संक्रमणबाट थप ५ जनाको मृत्यु भएको पुष्टि भएको छ । योसंगै नेपालमा कोरोना संक्रमणबाट मृत्यु हुनेको संख्या ३०६६ पुगेको स्वास्थ्य तथा जनसंख्या मन्त्रालयले सो कुराको जानकारी दिएको हो ।
नेपालमा पछिल्लो २४ घण्टामा ३५८८ जनामा पिसिआर परिक्षण गर्दा ४९० जना र ५६४ जनामा एन्टीजेन परिक्षण गर्दा ४४ जनामा गरी जम्मा ५३४ जनामा कोरोना संक्रमण पुष्टि भएसँगै नेपालमा कोरोना संक्रमितको संख्या २ लाख ८२ हजार ५४ जना पुगेको स्वास्थ्य तथा जनसंख्या मन्त्रालयले जानकारी दिएको हो ।
मन्त्रालयका अनुसार पछिल्लो २४ घण्टामा १५७ जनाले कोरोना जितेसंगै नेपालमा कोरोना भाइरस जित्नेको संख्या २ लाख ७४ हजार ६०४ जना पुगेको छ । हालसम्म नेपालमा २३ लाख २९ हजार ५४७ को पिसिआर परीक्षण भएको छ । सक्रिय कोरोना संक्रमितको संख्या ४३८४ जना रहेको छ भने ६८ जना क्वारेन्टिनमा रहेको मन्त्रालयले जनाएको छ ।
