काठमाडौँ । नेपालमा पछिल्लो २४ घण्टामा ३३९ जनामा कोरोना भाइरस (कोभिड-१९) संक्रमण पुष्टि भएसँगै नेपालमा कोरोना संक्रमितको संख्या २ लाख ७८ हजार ८०९ जना पुगेको स्वास्थ्य तथा जनसंख्या मन्त्रालयले जानकारी दिएको हो ।
मन्त्रालयका अनुसार गत २४ घण्टामा देशभर ४१०० जनामा पीसीआर परिक्षण गर्दा २९८ जनामा संक्रमण पुष्टि भएको छ भने १०४० जनामा एन्टीजेन परिक्षण गर्दा ४१ जना गरी जम्मा ३३९ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ७४ जनाले कोरोना जितेसंगै नेपालमा कोरोना भाइरस जित्नेको संख्या २ लाख ७३ हजार ५२९ जना पुगेको छ ।
पछिल्लो २४ घण्टामा कोरोना संक्रमणवाट २ जनाको मृत्यु भएसँगै हालसम्म कोरोना संक्रमणवाट ३०३८ जनाको मृत्यु भईसकेको छ । सक्रिय कोरोना संक्रमितको संख्या २२०१ जना रहेको छ भने ६५ जना क्वारेन्टिनमा रहेको मन्त्रालयले जनाएको छ ।
