यी हुन् नेपालमा कोरोना विरुद्धको पहिलो खोप लगाउने डाक्टर Nepalpatra यी हुन् नेपालमा कोरोना विरुद्धको पहिलो खोप लगाउने डाक्टर
१५ फाल्गुन २०७७, शनिबार

यी हुन् नेपालमा कोरोना विरुद्धको पहिलो खोप लगाउने डाक्टर


डा. सागर राजभण्डारी

काठमाडौँ । आज बुधबार प्रधानमन्त्री केपी शर्मा ओलीले प्रधानमन्त्री निवास बालुवाटारवाट भर्चुअल माध्यमबाट कोरोना भाइरस विरुद्धको खोप अभियान शुभारम्भ गरेका हुन् । उनले खरीद गरेरै भएपनि ३ महिनाभित्र सबै नेपालीलाई निःशुल्क खोप लगाइसक्ने बताएका छन् ।

शुभारम्भ कार्यक्रममा स्वास्थ्य तथा जनसङ्ख्यामन्त्री हृदयेश त्रिपाठी लगायत मन्त्री सहभागी भएका थिए । उनले कोरोना विरुद्धको खोप यथाशीघ्र सबै नेपालीलाई निःशुल्क उपलब्ध गराउने प्रतिबद्धता व्यक्त गरेका छन् ।

देशभर कोरोना विरुद्धको खोप अभियान शुभारम्भ भएसँगै नेपालमा पहिलो खोप कसले लगायो भन्ने कौतुहता बढ्नु स्वाभाविक हो । नेपालमा कोरोना भाइरस विरूद्ध पहिलो खोप लगाउने व्यक्ति टेकुस्थित शुक्रराज ट्रपिकल तथा सरूवा रोग अस्पतालका निर्देशका डा. सागर राजभण्डारीले हुन् ।

आज बुधबार बिहान प्रधानमन्त्री केपी शर्मा ओलीले भर्चुअल विधिबाट खोप अभियानको उद्घाटन गरेपछि निर्देशक राजभण्डारीले १० बजेर १० मिनेटमा खोप लगाएका हुन् । खोप लगाउनेबित्तिकै पत्रकारहरूसँग कुरा गर्दै उनले आफू खोप लगाउने पहिलो व्यक्ति हुँदा गर्व महशुस भएको प्रतिक्रिया दिएका छन् ।

उनले खोप सुरक्षित रहेको भन्दै अन्य स्वास्थ्यकर्मीलाई पनि ढुक्क भएर खोप लगाउन अपिल गरेका छन् । खोप लगाएपछि स्वास्थ्यकर्मीहरूलाई कोरोना महामारीविरूद्ध लड्न थप ऊर्जा मिलेको उनले बताएका छन् ।

यो पनि पढ्नुहोस्

यसरी शुभारम्भ भयो देशभर कोरोना विरुद्धको खोप अभियान (फोटो फिचर)

३ महिनाभित्र सबै नेपालीलाई कोभिड-१९ खोप निःशुल्क : प्रधानमन्त्री ओली

कोरोना विरुद्धको खोपको आज प्रधानमन्त्री ओलीले गरे शुभारम्भ


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
सम्बन्धित खबरहरु