काठमाडौँ, असोज १४ । नेपालमा पछिल्लो २४ घण्टामा १०५७ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ५६४२८ पुगेको छ । नेपालमा कोरोना जितेर ७२.५ % डिस्चार्ज भएका छन् । स्वास्थ्य तथा जनसंख्या मन्त्रालयको नियमित पत्रकार ब्रिफिंगमा प्रवक्ता प्रा. डा. जागेश्वर गौतमले सो कुराको जानकारी दिएका हुन् ।
काठमाडौं उपत्यकामा आज ९०२ जनामा कोरोना संक्रमण पुष्टि भएको छ । मन्त्रालयका प्रवक्ता डा. गौतमका अनुसार आज काठमाडौं जिल्लाका ६९७ जना, ललितपुर जिल्लाका ११२ जना र भक्तपुर जिल्लाका ९३ जनामा कोरोना संक्रमण देखिएको छ ।
नेपालमा आज कोरोना संक्रमण नयाँ १५५९ जनामा पुष्टि भएसँगै नेपालमा कोरोना संक्रमितको संख्या ७७८१७ पुगेको छ । नेपालमा कोरोना संक्रमणबाट थप ७ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या ४९८ पुगेको पुष्टि भएको छ ।
यो पनि पढ्नुहोस्
नेपालमा कोरोना जित्नेको संख्या ५५ हजार नाघ्यो, थप ७३१ जना कोरोना संक्रमणमुक्त
