, काठमाडौं उपत्यकामा आज देखियो ७११ जनामा कोरोना संक्रमण

काठमाडौं उपत्यकामा आज ७११ जनामा कोरोना संक्रमण पुष्टि

काठमाडौं उपत्यकामा आज देखियो ७११ जनामा कोरोना संक्रमण

काठमाडौँ, असोज ३ । काठमाडौं उपत्यकामा विभिन्न प्रयोगशालमा गरिएको परीक्षणमा आज ७११ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।

मन्त्रालयका प्रवक्ता डा. गौतमका अनुसार आज काठमाडौं जिल्लाका ५७० जना, ललितपुर जिल्लाका ५८ जना र भक्तपुर जिल्लाका ८३ जनामा कोरोना संक्रमण देखिएको छ । हिजो काठमाडौं उपत्यकामा ८५९ जनामा कोरोना संक्रमण पुष्टि भएको थियो । पछिल्ला दिनहरुमा राजधानी काठमाडौँमा संक्रमितको संख्या बढिरहेको छ । नयाँ कोरोना संक्रमितहरु कुन-कुन ठाउँका हुन् भन्ने जानकारी मन्त्रालयले दिएको छैन ।

मन्त्रालयका प्रवक्ता डा. गौतमका अनुसार पछिल्लो २४ घण्टामा १०३३३ पीसीआर परीक्षण गरिएको छ भने आजसम्म ९ लाख ४ हजार ७०६ पीसीआर परीक्षण गरिसकिएको छ । सक्रिय संक्रमितको संख्या १७१२९ सक्रिय संक्रमित आइसोलेसनमा रहेका छन् । संस्थागत आइसोलेसनमा ९१५३ जनाको उपचार भइरहेको छ भने होम आइसोलेसनमा ७९७६ जना रहेका छन् । साथै हालसम्म क्वारेन्टाइनमा ७७३५ जना रहेका छन् ।

नेपालमा आज कोरोना भाइरस संक्रमण नयाँ १२०४ जनामा पुष्टि भएसँगै नेपालमा कोरोना संक्रमितको संख्या ६२७९७ पुगेको छ । नेपालमा पछिल्लो २४ घण्टामा १४४७ जनाले कोरोना जितेसंगै नेपालमा कोरोना भाइरस जित्नेको संख्या ४५२६७ पुगेको छ । नेपालमा कोरोना संक्रमणबाट थप ११ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या ४०१ पुगेको पुष्टि भएको छ ।

यो पनि पढ्नुहोस्

काठमाडौं उपत्यकामा आज ८५९ जनामा कोरोना संक्रमण पुष्टि