, गण्डकी प्रदेशमा थप २८ जनामा कोरोना पुष्टि, संक्रमितको संख्या संख्या ३२०६ पुग्यो

गण्डकी प्रदेशमा थप २८ जनामा कोरोना पुष्टि, संक्रमितको संख्या संख्या ३२०६ पुग्यो

गण्डकी प्रदेशमा संक्रमितको संख्या ३२०६ पुग्यो, थप २८ जनामा कोरोना पुष्टि

पोखरा, असोज १ । गण्डकी प्रदेशमा आज बिहान २३ जना र ५ जना गरी २८ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या ३२०६ जना पुगेको छ ।

स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ७:४५ बजे र ९:१० बजे २ पटक छुट्टाछुट्टै प्रेस बिज्ञप्ति जारी गर्दै २८ जनामा कोरोना संक्रमण पुष्टि भएको जानकारी गराएका हुन् ।

आज बिहान ७:४५ बजे अध्यावधिक विवरण अनुसार क्षयरोग उपचार केन्द्र, पोखरा र चितवन मेडिकल कलेज, चितवनमा गरिएको परिक्षणमा गण्डकी प्रदेशमा थप भएका नयाँ २३ जना कोरोना संक्रमण देखिएको छ । कोरोना संक्रमण पुष्टि हुनेहरुमा कास्कीका ४ जना, गोरखाका २ जना, बाग्लुङका ४ जना, नवलपरासी सुस्ता पूर्वका १२ जना र तनहुँका १ जना रहेका छन् ।

कास्की जिल्ला, पोखरा महानगरपालिका-१५ का २९ बर्षीय पुरुष र बाग्लुङ जिल्ला, बाग्लुङ नगरपालिकाका तीनै जना पुरुषहरु गरी ४ जना भारतबाट आई क्वारेन्टाइनमा बसेका हुन् । अन्य सबै संक्रमित व्यक्ति कन्ट्याक ट्रेसिंगबाट पहिचान भएका हुन् । उनीहरु सबैलाई आईसोलेसन केन्द्रमा लैजाने तयारी भई रहेको छ ।

आज बिहान ९:१० बजे अध्यावधिक विवरण अनुसार पोखरा स्वास्थ्य बिज्ञान प्रतिष्ठान, पोखरामा गरिएको परिक्षणमा गण्डकी प्रदेशमा थप भएका नयाँ ५ जना कोरोना संक्रमण देखिएको छ । कोरोना संक्रमण पुष्टि हुनेहरुमा कास्कीका ४ जना र तनहुँका १ जना रहेका छन् ।

सबै व्यक्तिहरु पोखरा स्वास्थ्य बिज्ञान प्रतिष्ठान, पोखराको Pay Clinic मा कोरोनाको परीक्षणका लागि आएका हुन् । उनीहरु सबैलाई आईसोलेसन केन्द्रमा लैजाने तयारी भई रहेको छ ।

गण्डकी प्रदेशमा कोरोना पुष्टि

गण्डकी प्रदेशमा कोरोना पुष्टि

यो पनि पढ्नुहोस्

गण्डकी प्रदेशमा थप ५० जनामा कोरोना पुष्टि, संक्रमितको संख्या संख्या ३१६६ पुग्यो