, गण्डकी प्रदेशमा थप ३५ जनामा कोरोना पुष्टि, संक्रमितको संख्या २२४५ पुग्यो

गण्डकी प्रदेशमा थप ३५ जनामा कोरोना पुष्टि, संक्रमितको संख्या २२४५ पुग्यो

गण्डकी प्रदेशमा थप ३५ जनामा कोरोना पुष्टि, संक्रमितको संख्या २२४५ पुग्यो

पोखरा, भदौ १७। गण्डकी प्रदेशमा आज बिहान थप ३५ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या २२४५ जना पुगेको छ ।

स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ९:३० बजे प्रेस बिज्ञप्ति जारी गर्दै ३५ जनामा कोरोना संक्रमण पुष्टि भएको जानकारी गराएका हुन् ।

आज बिहान अध्यावधिक विवरण अनुसार क्षयरोग उपचार केन्द्र, पोखरा, भरतपुर अस्पताल, चितवन र राष्ट्रिय जनस्वास्थ्य प्रयोगशाला, काठमाडौँमा गरिएको परिक्षणमा गण्डकी प्रदेशमा थप भएका नयाँ ३५ जनामा कोरोना संक्रमण देखिएको हो ।

कोरोना संक्रमित हुनेमा कास्कीको पोखरा महानगरपालिका-१७ मा कार्यरत २० जना कर्मचारीहरु, वडा नम्बर १३ र १४ का ३ जना, लमजुङको सुन्दरबजारका ४ जना र नवलपरासी सुस्ता पूर्व विनय त्रिवेणीका ५ जना, गैडाकोटका १ जना र देवचुलीका १ जना रहेका छन् ।

तनहुँ जिल्ला, सुक्लागण्डकी-१ का संक्रमित महिला पोखराको अमरसिंह चोकमा रहेको पार्कल्याण्ड अस्पतालमा कार्यरत स्वास्थ्यकर्मी (स्टाफ नर्स) हुन् भने कास्की जिल्ला, पोखरा महानगरपालिका-१७ का २० जना नेपाल प्रहरीमा कार्यरत प्रहरीहरु हुन् ।

लमजुङ जिल्ला, सुन्दरबजारका-२ का ५० बर्षीय पुरुष ओमानबाट फर्किएका नेपाली हुन् भने सुन्दरबजार-९ का ४९ बर्षीय महिला स्थानीय किराना पसल संचालक हुन् । अन्य सबै कोरोना संक्रमित व्यक्तिहरु कन्ट्याक ट्रेसिंगबाट पहिचान भएका हुन् । सबै संक्रमितहरुलाई आईसोलेसन केन्द्रमा लैजाने तयारी भई रहेको छ ।

गण्डकी प्रदेशमा थप ३५ जनामा कोरोना पुष्टि, संक्रमितको संख्या २२४५ पुग्यो