, नारायणी अस्पतालमा गरिएको परीक्षणमा ७९ जनामा कोरोना संक्रमण पुष्टि

नारायणी अस्पतालमा गरिएको परीक्षणमा ७९ जनामा कोरोना संक्रमण पुष्टि

वीरगञ्जको नारायणी अस्पतालमा गरिएको परीक्षणमा ७९ जनामा देखियो कोरोना संक्रमण

वीरगञ्ज, भदौ १४ । पारसको वीरगञ्जस्थित नारायणी अस्पतालको प्रयोगशालामा हिजो शनिबार राति गरिएको परीक्षणमा थप ७९ जनामा कोरोना भाइरस (कोभिड-१९) संक्रमण पुष्टि भएको छ । कोरोना संक्रमण पुष्टि हुनेमध्ये पर्साका ४७ जना, बाराका ३० जना र मोरङ र काठमाडौं १/१ जना रहेका छ ।

नारायणी अस्पतालका स्रोतका अनुसार ४४२ जनाको स्वाब परीक्षण गर्दा २४ महिलासहित ६ महिनादेखि ९७ वर्ष उमेर समूहका ७९ जनामा संक्रमण पुष्टि भएको हो । तीमध्ये २१ जना कन्ट्याक्ट ट्रेसिङका क्रममा भेटिएका कोरोना संक्रमित छन् ।

हिजो शनिबार राति गरिएको परीक्षणमा वीरगन्ज महानगरपालिकाका विभिन्न वडामा थप २६ जनामा संक्रमण पुष्टि भएको छ । पर्साको पोखरिया नगरपालिकामा १२ जनामा कोरोना संक्रमण देखिएको छ ।

यस्तै बाराको कलैया उपमहानगरपालिकाका विभिन्न वडामा २१ जना, जितपुर-सिमरा उपमहानगरपालिकामा २ जना, विश्रामपुर गाउँपालिकामा ३ जना र महागढीमाई नगरपालिकामा ४ जनामा कोरोना पुष्टि भएको हो । साथै बाराको कलैयामा रहेको एक बैंकका २ जना कर्मचारीमा पनि कोरोना संक्रमण देखिएको छ ।