, गण्डकी प्रदेशमा थप २५ जनामा कोरोना पुष्टि, संक्रमितको संख्या १९७७

गण्डकी प्रदेशमा थप २५ जनामा कोरोना पुष्टि, संक्रमितको संख्या १९७७

गण्डकी प्रदेशमा संक्रमितको संख्या १९७७ पुग्यो, थप २५ जनामा कोरोना पुष्टि

पोखरा, भदौ ११ । गण्डकी प्रदेशमा आज बिहान थप २५ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या १९७७ जना पुगेको छ ।

स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान १०:१५ बजे एक प्रेस बिज्ञप्ति जारी गर्दै २५ जनामा कोरोना संक्रमण पुष्टि भएको जानकारी गराएका हुन् । कोरोना संक्रमित हुनेमा तनहूँका ९ जना, बागलुङका ८ जना, लमजुङका ४ जना, नवलपुरका ३ जना र पर्वतका १ जना रहेका छन् ।

आज बिहान अध्यावधिक विवरण अनुसार क्षयरोग उपचार केन्द्र, पोखरामा गरिएको परिक्षणमा पर्बतको जलजला-५ का १ जना, बाग्लुङको बाग्लुङ नगरपालिका-१, ३,६, ८ र १० का ८ जना, लमजुङको बेसीशहरका ४ जना र तनहुँको म्याग्दे-४,६ र ७ का ८ जना तथा भानु नगरपालिका-४ का १ जनामा कोरोना संक्रमण पुष्टि भएको हो ।

त्यस्तै चितवन मेडिकल कलेज, चितवनमा गरिएको परीक्षणमा नवलपरासी सुस्ता पूर्व गैंडाकोट-५ का ३५ वर्षीय १ जना पुरुषमा कोभिड १९ संक्रमण पुष्टी भएको छ । त्यस्तै नवलपुरकै मध्यविन्दु १० का ४० र ५० वर्षीय २ जना पुरुषमा पनि कोरोना संक्रमण पुष्टी भएको छ ।

पर्बत जिल्ला, जलजला गाउँपालिकाका संक्रमित व्यक्ति भारतबाट आएका हुन् । बाग्लुङ-१ का कोरोना संक्रमित व्यक्ति नेपाल प्रहरीमा कार्यरत हुन् । त्यसैगरी बाग्लुङ-८ का कोरोना संक्रमित व्यक्ति भारतबाट आएका हुन् भने अन्य व्यक्तिहरु कन्ट्याक ट्रेसिंगबाट पहिचान भएका हुन् ।

लमजुङ जिल्ला बेसीशहरमा कार्यरत २ जना संक्रमित नेपाल आर्मीमा कार्यरत रहेका छन् भने १ जना पालिकामा कार्यरत कर्मचारी हुन् ।अन्य सबै संक्रमित व्यक्तिहरु कन्ट्याक ट्रेसिंगबाट पहिचान भएका हुन् ।

आज कोरोना संक्रमण पुष्टि हुनेहरु सवैलाई सम्बन्धित जिल्लामा रहेको आईसोलेसन कक्षमा लैजाने तयारी भई रहेको छ । यसैगरी गण्डकी प्रदेशमा कोरोनको संक्रमणबाट निको हुनेको संख्या १६६५ (निको हुने दर ८४.२१ %) रहेको व्यहोरा समेत अनुरोध छ ।

दुखद खबर : कास्की जिल्ला, पोखरा महानगरपालिका-११ का ३२ बर्षीय कोरोना संक्रमित महिलाको आज बिहान ८:०० बजे पो.स्वा.बि.प्र. को आइसीयुमा उपचारको क्रममा मृत्यु भएको जानकारी पोखरा स्वास्थ्य बिज्ञान प्रतिष्ठानका निर्देशक सह प्रा. डा अर्जुन आचार्यले जानकारी दिए । यसैगरी गण्डकी गण्डकी प्रदेशमा कोरोनाको संक्रमणबाट मृत्यु हुनेको संख्या ९ पुगेको छ ।

गण्डकी प्रदेशमा थप २५ जनामा कोरोना पुष्टि, संक्रमितको संख्या १९७७