काठमाडौँ, भदौ ४ । काठमाडौँको महानगरीय ट्राफिक प्रहरी महाशाखामा कार्यरत १७ जना प्रहरी कर्मचारीमा कोरोना भाइरस (कोभिड-१९) संक्रमण पुष्टि भएको छ । प्रहरी अस्पताल, महाराजगञ्जमा गरिएको परीक्षणमा ट्राफिक प्रहरीहरुमा संक्रमण पुष्टि भएको हो ।
क्वारेन्टिनमै बसेका महानगरीय ट्राफिक प्रहरी महाशाखाका थप १७ जना प्रहरीलाई कोरोना भाइरस संक्रमण पुष्टि भएको छ । घरबिदामा रहेको र घरबाट आएपछि कोरोना परीक्षण गर्दा उनीहरुको कोरोना रिपोर्ट पोजेटिभ देखिएको महाशाखाले जनाएको छ ।
१७ जना थप भएसँगै ट्राफिक महाशाखामा कोरोना संक्रमितको संख्या ३७ पुगेको छ । यसअघि पनि महाशाखाका २ जनालाई संक्रमण देखिएपछि एसएसपी भिम प्रसाद ढकालसहित ३७५ जना क्वारेन्टिनमा बसेका थिए ।
