बाग्लुङमा बिहानै थपिए कोरोनाका १४ नयाँ संक्रमित Nepalpatra बाग्लुङमा बिहानै थपिए कोरोनाका १४ नयाँ संक्रमित
७ बैशाख २०७८, मंगलबार

बाग्लुङमा बिहानै थपिए कोरोनाका १४ नयाँ संक्रमित


कोरोना भाइरस

५ असार, काठमाडौँ । बाग्लुङ जिल्लामा आज बिहान १४ जनामा कोरोना भाइरस (कोभिड-१९) को संक्रमण पुष्टि भएको छ । गण्डकी प्रदेशमा आज बिहान फेरि थप २४ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या ३४८ जना पुगेको छ ।

स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ६ :०० बजे पुन: एक प्रेस बिज्ञप्ति जारी गर्दै बाग्लुङ १४ जनामा कोरोना संक्रमण पुष्टि भएको जानकारी गराएका हुन् ।

बाग्लुङको गल्कोट नगरपालिकाका ३५, ३८, ३०, २२, १९ र ४५ वर्षीय पुरुषहरु ६ जना र ४२ र २० वर्षिया महिलाहरु २ जना गरी ८ जनामा कोरोना संक्रमण पुष्टि भएको छ । त्यस्तै कोठेखोला गाउँपालिकाका २४, २९, २२, २०, २३ र २९ वर्षीय पुरुषहरु ६ जनामा पनि कोरोना संक्रमण पुष्टि भएको छ ।

उनीहरु सबै भारतबाट फर्किएको हुन् र सबैजना सम्बन्धित जिल्लाको क्वारेन्टाइनमा रहेका छन् । उनीहरु सबैलाई बाग्लुङ जिल्लामा रहेका आईसोलेसन कक्षमा लैजाने तयारी भईरहेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
सम्बन्धित खबरहरु