, कर्णाली प्रदेशमा आज २० जनामा कोरोना पुष्टि, संक्रमितको संख्या ६७१ पुग्यो

कर्णालीमा आज २० जनामा कोरोना पुष्टि, संक्रमितको संख्या ६७१ पुग्यो

कर्णाली प्रदेशमा कोरोना संक्रमितको संख्या ६७१ पुग्यो, आज थपिए २० जना

सुर्खेत, २७ जेठ । कर्णाली प्रदेशमा आज दिउसो २० जनामा कोरोना भाइरस (कोभिड-१९) को संक्रमण पुष्टि भएको छ । योसंगै कर्णाली प्रदेशमा कोरोना संक्रमितको संख्या ६७१ जना पुगेको छ । कर्णाली प्रदेश सामाजिक विकास मन्त्रालयका स्वास्थ्य सेवा महाशाखा प्रमुख डा. लक्ष्मीनारायण तिवारीले एक प्रेस बिज्ञप्ति जारी गर्दै सो कुराको जानकारी दिएका हुन् ।

डा. तिवारीका अनुसार प्रदेश अस्पताल, सुर्खेत र पशुपन्छी रोग अन्वेषण प्रयोगशालामा गरिएको परीक्षणमा १६ जना, कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा २ जना र राप्ती स्वास्थ्य विज्ञान प्रतिष्ठान दाङमा गरिएको परीक्षणमा २ जनामा कोरोना संक्रमण पुष्टि भएको हो । नयाँ कोरोना संक्रमितहरु सल्यानमा १३ जना, सुर्खेतमा ५ जना र जुम्लामा २ जना रहेका छन् ।

सल्यानको बनगाड कुपिण्डे नगरपालिका वडा नं. ३, ४, ५ र ८ का १२ जना पुरुषहरु, कपुरकोट गाउँपालिका-६ का १ जना पुरुष, सुर्खेतको वीरेन्द्रनगर नगरपालिका- १२ की १ जना महिला र २ जना पुरुषहरु, गुर्भाकोट नगरापलिका-१४ की १ जना महिला र सिम्ता गाउँपालिका ६ का १ जना पुरुषमा संक्रमण पुष्टि भएको छ । साथै जुम्लाको हिमा गाउँपालिका-४ की १ जना महिला र तिला गाउँपालिका-२ का १ जना पुरुष रहेका छन् ।

कर्णाली प्रदेशमा आज २० जनामा कोरोना पुष्टि

यो पनि पढ्नुहोस्

कर्णाली प्रदेशमा आज १६ जनामा कोरोना पुष्टि, संक्रमितको संख्या ६५७ पुग्यो

कर्णाली प्रदेशमा आज २० जनामा कोरोना पुष्टि, संक्रमितको संख्या ६७१ पुग्यो