, आज बिहान थपिए कोरोनाका नयाँ ३० संक्रमित, नेपालमा संक्रमितको संख्या पुग्यो ४८७

नेपालमा संक्रमितको संख्या ४८७ पुग्यो, आज बिहान थपिए कोरोनाका नयाँ ३० संक्रमित

आज बिहान थपिए कोरोनाका नयाँ ३० संक्रमित, नेपालमा संक्रमितको संख्या पुग्यो ४८७

९ जेठ, काठमाडौं । नेपालमा आज बिहान कोरोना भाइरस (कोभिड-१९) संक्रमण नयाँ ३० जनामा पुष्टि भएको छ । योसँगै नेपालमा कोरोना संक्रमितको संख्या ४८७ पुगेको छ । स्वास्थ्य तथा जनसंख्या मन्त्रालयका सह-प्रवक्ता डा. समीर कुमार अधिकारीले एक प्रेस विज्ञप्ति जारी गर्दै सो कुराको जानकारी दिएका हुन् ।

सह-प्रवक्ता डा. अधिकारीका अनुसार राष्ट्रिय जनस्वास्थ्य प्रयोगशाला काठमाडौं र भरतपुर अस्पताल चितवनमा गरिएको परीक्षणमा नयाँ ३० जनामा कोरोना पुष्टि भएको हो । जस अनुसार नवलपरासी, चितवन, कपिलवस्तु, सर्लाही जिल्लामा संक्रमण पुष्टि भएको हो । मन्त्रालयका अनुसार सर्लाहीमा मात्र १५ जना कोरोना संक्रमितहरु भेटिएका छन् ।

आज बिहान थपिएकाहरुमध्ये नवलपरासी विनय त्रिवेणी गाउँपालिका-६ निवासी ४५ वर्षीय पुरुष, भरतपुर महानगरपालिका-६ केसरबाघ चितवन निवासी ७४ वर्षीय पुरुष र ७३ वर्षीया महिला रहेका छन् । त्यस्तै नवलपरासी, सुस्ता गाउँपालिका-५ र रामग्राम नगरपालिका-३, १८ निवासी ३३, ३५ वर्षीय पुरुषहरु, १५ वर्षीया किशोरी छन् ।

साथै कपिलवस्तु वाणगंगा नगरपालिका, मायादेवी गाउँपालिका निवासी २४, २५, २७, २९, ३४, ३६, ४५, ५३ वर्षीय पुरुषहरु तथा ८ वर्षीय बालिकामा पनि कोरोना संक्रमण देखिएको छ । त्यस्तै, सर्लाहीको गोडैता नगरपालिका ८, ९, ११, १३ र १४ र रामनगर बहुअर्वा गाउँपालिका-७ निवासी २२, २२, २४, २५, २५, २७, ३२, ३४, ३४, ३५, ३८, ३८, ३८, ३९ वर्षीय पुरुषहरु र १८ वर्षीया युवतीमा कोरोना संक्रमण पुष्टि भएको छ । मन्त्रालयका अनुसार हालसम्म प्राप्त विवरण अनुसार उनीहरुको स्वास्थ्य सामान्य छ र स्वास्थ्यकर्मीको सम्पर्कमा रहेको समेत जानकारी दिएका छन् ।

यसअघि नेपालमा कोरोना संक्रमितको संख्या ४५७ थियो भने आज राती फेरि ३ जना नयाँ कोरोना भेटिएसंगै नेपालमा कोरोना संक्रमितको संख्या ४८७ पुगेको छ । नेपालमा कोरोनालाई जितेर अस्पतालवाट डिस्चार्ज भई घर फर्किनेको संख्या ४९ पुगेको छ । नेपालमा अहिलेसम्म सिन्धुपाल्चोकमा १ जना र बाँकेमा १ जना र गुल्मीको १ जना गरी ३ जनाको मृत्यु भएको छ ।

यो पनि पढ्नुहोस्

नेपालमा संक्रमितको संख्या ४५७ पुग्यो, आज फेरि थपिए कोरोनाका नयाँ ३ संक्रमित

नेपालमा ४९ जनाले जिते कोरोना, आज ४ जना घर फर्किए