विभिन्न रोगमा औषधीको रुपमा यार्सागुम्बाको प्रयोग Nepalpatra
१९ मंसिर २०७७, शुक्रबार

विभिन्न रोगमा औषधीको रुपमा यार्सागुम्बाको प्रयोग


यार्सागुम्बा

सामान्य बोलीचालीको भाषामा भनिने यार्सागुम्बा तिब्बती भाषामा यसलाई ‘यार्ट स्वा गुन् बू’ बाट बनेको शब्द हो । जसको अर्थ, गर्मीयाममा सुकेर झार बन्दछ तर हिउँदमा भने यो कीरा हुन्छ ।

यो हिमाली भेगमा पाइने बहुमुल्य औषधी हो । यसको माग दिन प्रतिदिन बढ्दैछ । यसका फाइदा बेफाइदाबारे राम्रो जानकारी हुन आवश्यक छ । प्रकृतिले हामीलाई यो जस्ता चमत्कारिक औषधि प्रदान गरेको छ । जानकार व्यक्तिको अभावका कारण यो जस्ता बहुमूल्य जडीबुटी खेर गइरहेका छन् ।

आयुर्वेदमा यार्सागुम्बालाई जड़ीबुटीको श्रेणीमा राखेको छ । यो खास गरी एक प्रकारको झुसेलकिरा जस्तै हो । यो जडिबुटीको प्रयोग सेक्स पावर बढाउन प्रयोग हुने गरेको पाइन्छ ।

यो प्राकृतिक भियाग्राको नामले चिनिने गरेको छ । एलोपेथिकमा पाइने भियाग्रा लामो समय चलाउनाले हृदय कमजोर गर्न सक्छ । यो औषधि सेक्स कमजोर हुनेहरूका लागि मात्र होइन यसको प्रयोग अन्य रोगमा पनि गर्न सकिन्छ ।

तर आयुर्वेदमा किड्नी र श्वास-प्रश्वासको विरामीलाई समेत राम्रो फाइदा गर्ने भनेको छ । यसको अर्को महत्वपूर्ण फाइदा चाँडो बुढो हुनबाट समेत यसले रोक्न सक्नेछ ।

यार्सागुम्बा नेपालमा पाइने महत्वपूर्ण औषधिको रूपमा चिनिन्छ । यो यार्सागुम्बाको जीवनकाल ६ महिनाको भनिएको छ। यो जडिबुटीमा अनुसन्धान गर्न सके यस्बाट थुप्रै भिटामिनहरू उत्पादन गरेर देश तथा विदेशमा सप्लाई गर्न सके डलर भित्राउन सक्ने सम्भावना प्रशस्त देखिएको छ ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।



प्रतिक्रिया दिनुहोस !