महावीर पुनलाई सरकारले पीपीई बनाउन दियो स्वीकृति Nepalpatra महावीर पुनलाई सरकारले पीपीई बनाउन दियो स्वीकृति
१७ फाल्गुन २०७७, सोमबार

महावीर पुनलाई सरकारले पीपीई बनाउन दियो स्वीकृति


महावीर पुन

१३ चैत, काठमाडौं । महावीर पुनले स्थापना गरेको राष्ट्रिय आविष्कार केन्द्रलाई सरकारले पीपीई (पर्सनल प्रोटेक्टिभ इक्वीपमेन्ट) उत्पादन गर्न स्वीकृति दिएको हो । कोरोना भाइरस संक्रमित बिरामीसँग स्वास्थ्यकर्मीले संसर्ग गर्दा अत्यावश्यक हुने पीपीई नेपालमै उत्पादन गर्न सुरु भएको छ ।

सुरुमा ५०० थान पीपीईका लागि दुईवटा गार्मेन्टलाई अर्डर दिइएको पुनले बताएका छन् । चप्पल कारखाना र पेप्सीकोलामा रहेका ती गार्मेन्टले २/३ दिनमा तयार गरिसक्ने बताएका छन् । पुनले बुधबार एउटा नमूना बनाएर मेडिकल काउन्सीलमा पेश गरेका थिए । त्यसलाई जाँचिसकेपछि काउन्सिलले उत्पादनका लागि स्वीकृति दिएको हो ।

विश्वव्यापी रुपमा कोरोना भाइरसको बिगबिगीसँगै धेरै देशहरुमा पीपीईको माग ह्वात्तै बढेको छ । विकसित देशहरुमा समेत अहिले पीपीईको अभाव सिर्जना भएको समाचारहरु आइरहेका छन् । नेपालका धेरै अस्पतालमा पीपीई नहुँदा स्वास्थ्यकर्मीहरुले असुरक्षित रुपमा काम गर्नुपरेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !