स्वास्थ्यमा जटिलता आएपछि डा. केसीलाई काठमाडौँ हिँडाइयो Nepalpatra स्वास्थ्यमा जटिलता आएपछि डा. केसीलाई काठमाडौँ हिँडाइयो
२२ मंसिर २०७९, बिहिबार

स्वास्थ्यमा जटिलता आएपछि डा. केसीलाई काठमाडौँ हिँडाइयो


डा. गोविन्द केसी फाइल फोटो

धनगढी । चिकित्सा शिक्षा र स्वास्थ्य क्षेत्रको सुधारसहितका माग राखेर धनगढीमा २०औँ सत्याग्रहमा बसेका प्रा.डा. गोविन्द केसीको स्वास्थ्य अवस्था नाजुक बन्दै गएपछि काठमाडौं हिँडाइएको छ । चिकित्सकसहितको टोलीको पटक-पटकको आग्रहपछि बुधबार बेलुकी मात्रै उनी आफ्नै खर्चमा काठमाडौं उडेका छन् ।

चिकित्सा क्षेत्र सुधारको मागसहित १० दिनदेखि धनगढीमा अनसनरत डा. केसी आफ्नो स्वास्थ्य अवस्था थप जटिल बन्दै गएपछि काठमाडौँतर्फ हिडेका हुन् । डा. केसी आफ्नै खर्चमा बुधबार साँझ ५ बजे श्री एयरलाइन्सको नियमित उडानबाट काठमाडौँ फर्केका हुन् ।

सरकारको खर्चमा नजाने र सरकारलाई व्ययभार नगराउने भन्दै डा. केसी आफ्नै खर्चमा काठमाडौं फर्केका हुन् । काठमाडौं पुगेपछि त्रिवि शिक्षण अस्पतालमा उपचार गरिने तयारी रहेको उनका सहयोगीले बताए ।

यसअघि उनको स्वास्थ्य अवस्था नाजुक रहेको भन्दै सरकारले काठमाडौं लग्ने नेपाली सेनाको हेलिकप्टर पठाएको थियो । तर उनी सरकारले पठाएको हेलिकप्टरमा काठमाडौं जान मानेका थिएनन् । स्वास्थ्यमा जटिलता बढ्न थालेपछि उनी काठमाडौँ जान तयार भएका हुन् ।

डा. केसीको मांशपेशी सुक्दै गएको र पेटमा अल्सर भएर रक्तश्राव भएकाले सुविधा सम्पन्न अस्पतालमा स्थान्तरण गर्न चिकित्सकले सुझाएका थिए ।उनी धनगढीस्थित कृष्ण मन्दिरको धर्मशालामा भदौ २७ गते सत्याग्रहमा बसेका थिए । स्वास्थ्य बिग्रिएपछि उनलाई सो स्थानबाट सेती प्रादेशीक अस्पताल लगिएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !