पूर्वरानी कोमल शाहको स्वास्थ्य अवस्था थप जटिल, प्लाज्मा थेरापीबाट उपचार Nepalpatra पूर्वरानी कोमल शाहको स्वास्थ्य अवस्था थप जटिल, प्लाज्मा थेरापीबाट उपचार
५ असार २०७८, शनिबार

पूर्वरानी कोमल शाहको स्वास्थ्य अवस्था थप जटिल, प्लाज्मा थेरापीबाट उपचार


पूर्वरानी कोमल शाह

काठमाडौँ । पूर्वरानी कोमल शाहलाई प्लाज्मा थेरापीबाट उपचार थालिएको छ । स्रोतका अनुसार कोरोना भाइरसबाट संक्रमित भई नर्भिक इन्टरनेशनल हस्पिटलमा उपचाररत शाहलाई हिजो बिहीबार साँझदेखि प्लाज्मा थेरापीबाट उपचार थालिएको हो ।

नर्भिक अस्पतालका सूचना अधिकारी सोमनाथ बाँस्तोलाका अनुसार पूर्वरानीमा श्वासप्रश्वासको समस्या र अक्सिजन समेत कमी भएपछि बुधबार साँझदेखि सघन उपचार कक्षमा सारिएको थियो ।

अस्पतालमै उपचाररत पूर्वराजा ज्ञानेन्द्र शाहको अवस्था भने सामान्य र स्थिर छ । उनलाई हाल अक्सिजनको सामान्य प्रयोग गरिएको छ । पूर्वअधिराजकुमारी प्रेरणाको अवस्था भने निकै सामान्य छ । उनलाई अक्सिजन दिनुपरेको छैन ।

उनीहरु तीनै जना गत शनिबारदेखि नर्भिक अस्पतालमा भर्ना भएका थिए । त्यसको केही दिनअघि उनीहरुको स्वाब परीक्षण गर्दा कोरोना संक्रमण पुष्टि भएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !