मानसिक चिन्ता सवैभन्दा ठूलो रोग हो Nepalpatra मानसिक चिन्ता सवैभन्दा ठूलो रोग हो
१२ मंसिर २०७८, आइतबार

मानसिक चिन्ता सवैभन्दा ठूलो रोग हो


मानसिक चिन्ता

हरेक प्राणीको आफ्नै समस्या हुन सक्छ । चिन्ताको कुनै कारण हुदैन । तर पनि मान्छे हरेक समय चिन्तामा डुब्ने गरेको पाइन्छ । चिन्ता त्यस्तो घुन हो जसको असरले मान्छेलाई भित्रदेखि नै समाप्त पार्दै गएको हुन्छ ।

चिन्ता त्यति गरौं जति आवश्यक छ । आवश्यक विनाको चिन्ताले मानिसलाई भित्र-भित्रैदेखि खोक्रो बनाउदै जान थाल्नेछ । आजको लेखमा यिनै विषयमा केन्द्रित रहेर छलफल गर्ने छौं । हरेक मानिस एक हुदैनन् सवैभन्दा पहिले यो कुरा बुझ्न जरूरी देखिन्छ ।

चिन्ताको कारक तत्व केहो यसको मुख्य कारण हटाउन सके मलाई लाग्छ आधा समस्या समाधान भयो । अघिल्लो विश्व युद्धमा त्यति मान्छे मरेनन् जति घरभित्र मरेका थिए यस्तो हुनुको पछाडि मानसिक रोगको कारण बाहिर भन्दा भित्र मरेका थिए ।

वर्तमान अवस्थालाई नियालेर हेर्दा समस्या चाहे ठूलो होस् या सानो होश् हुन्छ नै तर सानो समस्याले आत्तिने गर्दा यसले कसैको हित नगर्ने निश्चित छ । चिन्ता बढ्नुको सवैभन्दा ठूलो जरोकिलो पैसा नै हो भन्दा खासै फरक नहुन सक्छ ।

धन पैसाले मानसिक चिन्ता बढाउन पनि सक्छ कम गर्न पनि सक्छ । आज हरेक घरमा एक जना डिप्रेसनमा डुबेको देखिन्छ । यसले गर्दा सिंगो परिवारमा असर हुन थाल्दछ । टेन्सनले समस्या समाधानको बाटो होइन यसले झन संकटको बाटो निम्ताएको हुन्छ ।

आज हरेक घरमा डिप्रेसन हटाउन प्रयोग हुने लागुऔषध सानो पावरबाट बढाउदै जाँदा कुनै दुई कम्पनीको आौषधि खानुपर्ने बाध्यता हुदै गएको देखिन्छ । यसले समाधान हटाउने होइन झन बढाउने छ । यो रोगको प्रमुख कारणको उपचार गराउन सके स्वत: ठिक हुने देखिन्छ ।

डिप्रेसन नबढोस् भन्नाका लागि निम्न कुरामा ध्यान पुराउन आवश्यक छ :

१. एकलै नबस्ने या नसुत्ने
२. लागुऔषधको कुलतबाट बचाउने
३. उसलाई परेको समस्या के छ बुझ्न प्रयत्न गर्ने
४. यसको समाधान औषधि मात्र होइन भन्ने कुरामा विश्वास दिलाउने
५. खाली समय सैतानको घर हो उसलाई सकेसम्म सानोतिनो व्यवसाय गर्न उक्साउने ।

उपचार

१. यस्ता रोग लागेको मान्छेलाई एभेना सटिभा होम्योपैथीक मदर टिन्चर १५ थोपा थोरै पानीमा राखेर लामो समयसम्म सेवन गराउने ।
२. वायोकेमिक बी-२७ नम्वरको औषधि ४ गोली दिनमा ४ पटक सेवन गराउने ।
३. ३ माना जति घोटताप्रेमा ३ माना जति गाईको घिउ राखेर पकाउने घिउमात्र बाँकी भएमा उतारेर सिसामा राख्ने १ चमच घिउ नित्य दिनमा २ पटक खानामा राखेर खान दिने ।

नोट : यस्ता रोगको सटिक उपचार नभए कालान्तरमा पागल समेत हुन सक्ने भएकाले योग्य डाक्टरको रेख देखमा उपचार गराउने ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !