बढी निन्द्रा लाग्नु वा निन्द्रा नलाग्नु दुवै हुन रोगका संकेत Nepalpatra
१४ मंसिर २०७७, आइतबार

बढी निन्द्रा लाग्नु वा निन्द्रा नलाग्नु दुवै हुन रोगका संकेत


निन्द्रा

चीनमा गरिएको एक अनुसन्धानले राती र दिउसो धेरै सुत्ने बानी राम्रो होइन जति निन्द्रा बढी हुन्छ त्यति नै खतरा बढि हुने भनेको छ । चीनको म्याकमास्टर एण्ड पिकिंग युनियन मेडिकल कलेजले गरेको अनुसन्धानले यो कुराको पुष्टि गरेको छ ।

यो शोध युरोपियन हार्ट जर्नलमा प्रकाशित भएको थियो । अनुसन्धानमा २१ देशका केही व्यक्ति समावेश गरिएका थिए जसअनुसार अत्यधिक सुत्ने व्यक्ति हरूको अनुसन्धान गरिएको थियो ।

उक्त अनुसन्धान अनुसार ८ घण्टा भन्दा बढी सुत्ने व्यक्तिलाई हार्ट स्ट्रोक र हार्ट फोल्योरको अत्यधिक खतरा देखियो । यस्ता व्यक्तिको चाँडै नै मृत्यु हुने सम्भावना ४१ प्रतिशतले बृद्धि भएको देखाएको थियो ।

उदाहरणका लागि राती ८ देखि ९ घण्टा भन्दा बढी समयसम्म सुत्नेहरुमा मृत्यु र मुटु रोगको सम्भावना बढी पाइएको थियो । स्वस्थ रहन निन्द्रा आवश्यक छ तर लामो समय सुत्दा ख्याल गर्नुपर्ने समय आएको छ ।

धेरै सुत्नु स्वास्थ्यका लागि खतरा भन्ने कुरा अनुसन्धानले देखाएपनि हामीले लापरबाही गर्ने गर्दा आज असमयमा हुने मृत्युको कारण अत्यधिक निन्द्रा भएको जानकारी हामीले पाएका छौं ।

स्वस्थ रहन निन्द्रा आवश्यक छ । तर निन्द्रा नलाग्नु पनि खतरा मानिएको छ । निन्द्रा नलाग्नु मानसिक रोगको संकेत हो यसले पनि थुप्रै रोगहरू निम्ताउने खतरा बढ्न सक्छ । बढि सुत्नु या कम सुत्नु दुवै त्यति नै खतरा हुन भन्ने कुरा बुझ्न आवश्यक छ ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।



प्रतिक्रिया दिनुहोस !